| ◄ Ag er Gonfiance é Doué. | Penaus é èll un dein hanàouit en dès er gùir difiance a nehou é hunan hac er gùir confiance é Doué. | Hilleih en hum drompe é quemer en dougeance aveit ur vertu. ► |
Er hombat spirituel/Chapistre 04
CHAPISTRE IV.
Penaus é hèll un dein hanàouit en dès er gùir difiance a nehou é hunan hac er gùir confiance é Doué.
N dein présomptuus e gred en dout en difiance a nehou é hunan, hac er gonfiance é Doué, mæs fariein e ra, ha ne hanàue jamæs gùel quement-cé eit a pe za dehou couéhel en ur pehet benac ; rac nezé mar hum droubl, mar hum afflige, mar col ol esperance d’avance ér vertu, ur merche é en en dès laqueit é gonfiance non-pas é Doué, mæs én hou é hunan ; ha sel brassoh me ma en dristé hac en disespoër en dès, sel mui é eller jugein é vé cablus ér poent-cè.
Rac en hani hum zifie hilleih a nehou é hunan hac hum fie hilleih é Doué, mar commet ur pehet benac, nen dé quet souéhet ag en dra-zé, ne guemer na poén na chagrin a gaus dehou, rac ean e uél erhat é ma er fragilité hac er bihan a soign en dès bet a laquat é gonfiance é Doué zou bet caus d’é behet. É contrel el lam en dès bet e zisque dehou hum zifiein muioh mui ag é nerh, hac hum fiein muioh mui é secour en ol-buissant. Cassad e ra drès quement tra zou ol é behet ; condanein e ra er goal inclination e zou bet caus dehou d’er hometein ; un anquin bras en dès en dout offancet é Zoué ; mæs é anquin perpet tranquil ne barra quet doh-t’hou a labourat el d’en ordinær, nac a zihuen doh é anemiset bet er marhue.
Pligeèt guet Doué ma vou chonget erhat ér péh e laran, ha ma chongeou surtout certén tud peré e vèn tremeine eveit bout spirituel, ha peré a p’ou dès couéhet én ur faute benac, ne ellant na ne vennant quemer repos er bet, mæs en dès un hirreah bras de monet de gavouit ou zat spirituel, eveit hum zelivrein ag er boén a behani ou amour prope e zou er pèn-caus, quentoh eveit dré ur ræson benac aral, penaus benac ma teliai bout ou hetan sourci d’en hum holhein a ou fehedeu dré er sacremant a Benigen, ha de receu er sacremant ag en Autær guet dispositioneu necessære eit hum zerhel gùel ar hou goard én amzer de zonnet dré er secour divin-zé.