En Examen pamdiêc particuliér

Eus Wikimammenn
Sauter à la navigation Sauter à la recherche


AG EN


EXAMEN PAMDIEC PARTICULIÉR.
————



EN examen pamdiêc particuliér e zou unan ag er moyandeu capaplan d’hun laquat de zoug er victoër ar ur vince, pé de ouni ur vertu. A viscoah er Sænt en dès hum cherviget ag en examen pamdiêc eit feahein ou scieu spirituel, pé eit gouni er vertuyeu. Cassien e gonz a nehou én é bemvet conférance, chapistr puarzecvet. Sant Yehan-Climaq, én é livr ag en exerciceu spirituel, e zisq er fæçon d’er gobér. Chetu amen er péh e lar : mar fal deign hum gorrigein ag er golér, ag en dibatiantet, a chongeu inutil ur speret scan, de vitin me guemér ur résolution ferm, ur volanté crihue ha son ne gouéhein quet ér vince-zé ; ha me oulen guet Doué, guet er brassan tuemdér ma éellan, er græce de zihoal erhat durand en dé doh en defaut-cé. Ardro creis-dé, mé hum chonge gueneign me hunan eit gout a me mès groeit durand er mitinniad nitra énep d’er résolution em boai queméret a vitin. Mar cavan e mès hum feahet, me drugairéca en Eutru Doué, é avouéein n’em bai quet guellet a hanan me hunan doug er victoër ar men goal inclination ; ha mar cavan e mès couéhet arré, mé hum humili, hac e guemér er brassan glahar e ellan, guet er résolution hac ur volanté crihue de vout fidelloh er rest ag en dé. De noz, én examen general e ran ar en ol fauteu ag en dé, m’hum arrest drès pep-tra ar en defaut a béhani e mès antreprenet hum gorrigem. Ret-é commance dré er vince goahan, ha goudé en dout ean corriget, commancein guet un aral.