Exercice de noz
L ma ta pep-tra ag en Eutru Doué, pep-tra e zeli tennein d’en Eutru Doué. Dré zou é teliamb commance hac achihue pep-tra. Mar dé deliet temb enta commance hun deuéh dré obér de Zoué ur sacrifice a hanamb hun hunan, hac a guement-tra e rehemb durand en dé, é ma just ehué ma en achiuehemb dré er santimanteu a drugairé deliet d’er madeu ha græceu hun nès receuet guet é vadeleah durand en dé-cé, ha dré ur gùir glahar en dout ean offancet. Rac-cé ne zeliér jamæs manquein a obér en examen a gouciance quênt monet de gousquet. Goudé en dout groeit er pedenneu eit trugairécat en Eutru Doué ag en ol græceu hun nès receuet guet-ou en dè-cé ; goudé en dout goulennet sclerdér eit hanàuein hun fauteu, ha goudé en dout hum arrestet un nebedic amzér d’examinein hun houciance, queméramb er brassan glahar e vou possibl démb én ur obér un act a gontrition. Ret-é laret litanieu er Uériés, hum recommandein
de sant Jojeb, de sant Joachim, de santes Anna, d’hun Æl-mad ha de sant Miquel-Arhæl, d’hun Zad seraphiq sant Françæs, de santés Clair ha d’en ol Sænt ha Santézet ag en drivet-Urh, ha pedein eit en ineanneu ag er purgatoér, hac eit er-ré vihue mé ma deliet pedein eit-ai. Preparet nezé er matiér a hou méditation eit en trenoz, hum zihusquet guet er brassan modesti e vou possibl deoh, guet eah a rein goal exampl de hanni : é hanhue Doué, eveheit gæt sourci bras doh er poént-cé. Beah sourciabl ag er modestis dres pep-tra : doh hum zihusquein chonget én hou tihusquou er marhue a guement-tra e hoès ar en doar a pe chongehet bihannan. Oueméret deur beniguet, asperget hou culé, hum groézet ha dalhet de chongeal én un dra vat benac bet que ne vehet cousquet, èl ér matiér a hou méditation abèn en trenoz, pé ér pedair fin dehuéhan, pé ér gontrition, pé én ur vertu benac.