EN ENEVADÈS D’ER HUÉRHIÈS.
Er han-men a zo bet distroeit kasi ghir ha ghir ag ur han gallek.
————
De profundis !
M’hou pèd, Gùérhiès, eit me heih vam ;
Ah ! lamet-hi ag en tan-flam !
Mari, (bis) ah ! kasset-hi ghet-n-oh d’er baraouis !
De profundis !
Hi en devoé, un æriad kent mervel,
Keménet d’ein eit-hi hou pedein mad ;
Ah ! m’hou pedou eit-hi, Gùérhiès santel,
Ya, bet men dehuéhan huannad !
De profundis, etc.
Gouyet a ret en e mès, ô Gùérhiès !
Disket ghet me mam hou kârein.
Mam a ré dein, ém pedenneu liès,
Intronès santel, hou ç’hanvein.
De profundis, etc.
D’ein é laré é oèh karantéus,
Hag é oé ret d’ein hou kârein.
Mam d’hou chapel, ô Gùérhiès truhéus !
Bamdé em hassé eit pedein.
De profundis, etc.
Allas ! bremen er gheih enevadès,
Hé hunan a za d’hou pedein ;
Donnet a ra hi hunan, ô Gùérhiès !
Dedal hou ç’autér de ouilein.
De profundis, etc.
Ne zoughan mui na treu rû na treu gùen
A houdé m’en dé marhue me mam ;
Flouren erbet ne huélér ar me fen,
Deustou m’en d’on neoah youank-flam !
De profundis, etc.
Kollet e mès, ghet me mam, ô Gùérhiès !
Allas ! kollet e mès peb tra !
Larein a rér d’ein enevadès !
Ne larér ket mui Maria !
De profundis, etc.
Gùérhiès santel, tennet-mé ag er bed !
Petra a rein-mé me hunan ?
Ah ! tennet-mé, eit ma hein de huélet
Men nihue vam péré zo én nean !
De profundis, etc.
|
