Eil quevren - Ar seitecvet Chabistr

Eus Wikimammenn
Sauter à la navigation Sauter à la recherche
troet gant Charlez ar Brizh.
Youen-Yan-Lois Derrien, 1779-1792 (?)  (p. 127-129)





AR SEITECVET CHABISTR.
Penaus eo e ranquer clevet ha len comsou Doue.


BEzit devot ha sourcius da glevet comsou Doue. Pe c’hui o c’hlevo en un antretien familier bennâc gant ho mignonet pe vignoneset spiriruel, pe c’hui o c’hlevo er Sarmon, clevit-y ato gant attantion ha gant respet ; grit ervat ho profit anezo, ha na lesit quet anezo da goueza d’an douar. Hoguen recevit-y evel ur baum precius en ho calon, oc’h imita ar Verc’hes sacr pehini a gonserve ur sourci bras en he c’halon an oll gomsou pere a lavaret e meuleudi d’he Map. Hac ho pezet memor penaus e testum hor Salver ar c’homsou pere a leveromp dezàn en hor pedennou, diouz ma testumomp ivez ar c’homsou pere a lavar deomp er Bredication hac en instructionou mad.

Bezit sourcius da gaout ato ul Lêvr mad bennâc a zevotion (Evel ma zeus bremâ Lêvriou Brezonec hac a so profitabl bras) ha lennit bemdez un dra bennâc ebarz gant ar memes devotion hac ar memes respet evel pa ve ul lizer bennâc ve a ve deut deoc’h eus an Eê digant ar Sent, evit disquez deoc’h an hent ha rei deoc’h ar gouraich da vonet dy. Lennit ivez an Histor hac ar Vuez eus ar Sent, eleac’h ma vellot evel en ur mellezour ar portret eus ar vuez Christen, hac imitit o actionou och ober diouto hervez ar stad hac ar vocation ma emaouc’h en-hi : rac peguement bennâc na ell quet ar re a vêv er bed imita toutafet cals a actionou o deveus grêt ar Sent, cousgoude ec’hellont o heul a dost pe a bell hac o imita en ur fæçon bennâc. Dre exempl ar solitud eus a Sant Paul Hermit a imitot dre ho retrejou spirituel a reel, peveus a re hon eus comset dija hac e comsimp c’hoaz : ar baourentez vras a Sant Frances a imitot o pratica ivez ar baourentez er fæçon ma tisquezzimp tuma varlerc’h, ha toudememes evit an nemorant-all. Guir e penaus ez eus certen historiou pere a ro deomp mui a sclerigen da regli hor buez eguet re-all, ec’his ma zeo ar vuez eus ar Vam eürus Theresa pehini a so admirabl evit quemense, buez Sant Charles Borromee, hini Sant Lois hac hini Sant Bernard, cronicou S. Frances hac an seurt-se. Beza ez eus bueziou-all hac a so mui a sujet enno da admira eguet da imita, evel ma zeo buez Santes Mari Ægiptianes, Sant Simeon Stilit, an diou Santes Catel a Sienne hac a Genes, ha re-all, pere ne lesont quet cousgoude na roont ur gout bras e general da garet Doue.