Eil quevren - An eizvet Chabistr
Youen-Yan-Lois Derrien, 1779-1792 (?) (p. 96-100)
Et eo, Philotee, pa ho pezo finisset ho meditation e talc’hac’h memor eus ar resolution ho pezo quemeret, evit beza sourcius d’ho fratica en deiz-se ; hennez eo ar profit bras eus ar veditation, anes pehini e vez alies non pas hepquen inutil, mæs noasus, abalamour ar vertuziou meditet hep beza pratiquet, a laca ar speret aviziou d’en em c’hueza ha d’en em ourgouilli : rac hon amour propr a ro deomp da gridi penaus ez omp ar pez ma zomp en em resolvet da veza ; quemense a so guir mar de ferm ha sincer hon resolutionou ; mæs eleac’h beza sincer, ezint er c’hontrol vean ha dangerus, ma na vezont pratiquet ; ret eo’ta lacat peb-tra en usaich evit o fratica ha na lessot quet an occasionou a guemense da dremen ebiou, pe y bian pe y bras. Dre exempl mar em bez quemeret ar resolution da c’hounit dre
zouçder speret ar re a zeu d’am offançi, e clasquin en deiz-se an occasion d’o rapcontr evit o saludi ; ha ma na allàn o rancontr, e liquin da viana va foan da lavaret vad anezo ha da bedi Doue evito.
Pa sortiot eus an oræson cordial-sè, e renquit lacât evez na lessac’h ho calon d’en em rei ouz traou-all, rac scuilla a rac’h ar baum hac al liqueur precius hoc’h eus recevet enni dre voyen an oræson ; me a fell din lavaret e renquit, mar d’e possibl, miret un dra bennâc a silanç ha douguen gouestadic ho calon eus an oræson d’hoc’h afferou-all, o terc’hel-mad, hirra ma ellot, d’ar santimanchou ha d’an affectionou pere ho pezo concevet. Un den en deffe recevet en ur porcelinen gaer ul liqueur bennâc a bris bras evit e douguen d’e dy, a yae a doug-e-gam hep sellet a gostez, hoguen sellet a rae aviziou dirazàn gant aon na heurte e droat ouz ur mean bennâc ha na rae ur goall gamet, hac aviziou-all ouz e borcelinen da velet hac y na gostezze quet an eil tu muguet eguile : chetu eno petra a dleit da ober o sortial eus ar veditarion. N’en em droït quet en un taol-cont ouz traou ar bed, hoguen sellit en ho raoc simplamant, evel a c’hoarfe mar rancontrac’h unan bennâc ha ne ouffac’h quet en em exanti da barlant ountâ pe d’e glevet, eo ret en em accommodi diouz quemense, mæs en hevelep-fæçon ma lequeot evez na zeuac’h da goll ar frouez eus hoc’h oræson, ha ma er c’honservot muia ma vezo possibl deoc’h. Ret eo so-quen e teuac’h d’en em accustumi da c’houzout tremen eus an oræson da guement seurt occupation legitim a c’houlen digueneoc’h ar stad hac ar vocation ma emaouc’h enni, peguement bennâc ma seblante an occupationou-se beza pell diouz an affectionou pere hoc’h eus recevet en oræson. Da lavaret e penaus e tle ur Marc’hadour, dre exempl, gouzout tremen eus an oræson d’an trafic ; ur c’hreg a dle gouzout tremen eus an oræson d’an deveriou eus he zieguez, hac ur plac’h d’he servich gant un hevelep douçder hac un hevelep repos a speret, na vezo troublet nac inquietet morsetout evit quemense : rac pa zeo an eil hac eguile hervez volontez Doue, eo ret tremen eus an eil d’eguile gant ur speret a humilite hac a zevotion.
Ret e c’houffac’h ive penaus ec’h erruo gueneoc’h aviziou ma vezo tomet oll hoc’h affection ouz Doue incontinant goude ar breparation : neuse, Philotee, eo ret leusquel ar vrid ganti hep fallout heul ar metod pehini am eus roet amâ deoc’h : rac peguement bennâc ma tle ar gonsideration peurvuia mont eraoc an affectionou hac ar resolutionou, cousgoude pa ro deoc’h ar Speret-Santel an affectionou abarz ar gonsiderarion, ne dleit quet en em lacat e poan da glasq ar gonsideration, pehini ne vez great nemet evit excita hac evit toma an affection. En ur guer quen alies gueich ma en em bresanto an affectionou deoc’h, e renquit o receo hac ober plaç dezo, pe ii a erruo quent pe ii a erruo goude an oll gonsiderationou : ha peguement bennâc ma em be lequeat an affectionou varlerc’h an oll gonsiderationou, n’em eus-èn great nemet evit difaranti guell ar guevrennou eus an oræson : rac erfin ur reglen general eo penaus ne ranquer jamæs derc’hel an affectionou, mæs ret e o lesel ato da sortial pa en em bresantont.
Ar pez a lavaràn a so non pas hepquen evit an oll affectionou, mæs c’hoaz evit an actionou a c’hraç, a ofranç hac a beden pere a alleur da ober etouez ar gonsiderationou : rac ne ranquer quet o derc’hel quen nebeut hac an affectionou ; peguement bennâc ma ranquer o repeti hac o c’hemeret adarre pa gonclueur ar Veditation ; mæs evit ar resolutionou a ranqueur da ober goude an affectionou hac e fin an oll meditation eraoc ar gonclusion ; rac, ma ho graemp e mesq an affectionou, ec’his ma hon eus d’en em represanti objedou particulier ha familier evit quemense, hon lacaent e danger da gaout distractionou. Etouez an affectionou hac ar resolutionou e ve mad en em servichout a ziscours hac a antretien o parlant aviziou ouz hor Salver, aviziou ouz an Elez hac ouz ar personachou a so represantet er Myster, hac aviziou-all ouz ar Sent, hac ouzomp hon-unan, ouz hor c’halon, ouz ar bec’herien ha memes ouz an traou maro hac insansibl, evel ma veleur e ra David en e Salmou, ha ma o deveus-èn great ar Sent-all en o meditationou hac oraæsonou.