Eil-varnuguent Cantic. Guers ar Bassion

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 94-96)



EIL-VAR-N’UGUENT CANTIC.


GUERS AR BASSION.


Var an ton ancien.



Æles an Eê, deut d’an doüar,
Disquennit var Menez Calvar,
Da ober caon d’hor Salver
Pa na gar ar bed e ober.

Me ho ped, Sant Micqel eürus,
Ha dreist an oll, c’hui Mam Jesus,
Obtenit deomp eur c’heus santel,
Da vouela e varo cruel.


Hor c’halon a dleffe ranna
Gant ur c’hlac’har an estrancha,
O consideri e boanniou,
Hac o velet e c’houliou.

Sellit, pec’heurien, ous ho Tad
Sellit maro e zaoulagad,
Ha gant ar spern treuzet e ben,
Antreet ennan bete’n empen.

Sellit e faç quer leun a c’hoad,
Sellit e zaou zourn, e zaou droad
A zo staguet gant an tachou
Forget bed gant ho pec’hejou.

Sellit e gostes gouliet,
Sellit e gorf crucifiet ;
M’ar er guel ho calon hep queus,
Ez-eo great à zir, ma na deus.

An doüar a zeu da grena,
Ar veïn a zeu d’en-em frailla,
An heaul, al loar, ac ar steret
A gus ho faç gant ar regret.

Ha c’huï, pec’heurien obstinet,
Na rit seblant, na cas ebet,
Evit guelet maro ho Roüe,
Ho Tad, ho Salver, ho Toüe.

Goas ouc’h eguet e vourrevien
Goas ouc’h eguet ar yuzevien ;
Rac darn anezo pa varvas,
A oue touchet gant eur c'heus bras.

Ar re-ze n’en anayent quet,
O songeal oa ûr fals Profet ;
Mès c’hui, pec’heur, c’hui en êne
C’hui oar e zeo guir Vap Doue.


Quement pec’het marvel a rit,
Oud ar groas, crüel, er staguit,
Ha digueri à nevez flam
E c’houliou, pebes estlam ;

M’ar oc’h eus ountan nep trues
Chenchit bremâ ho coal vües,
Chenchit, pec’heur, chenchit affo ;
Hac e dourmanchou a zesso.

Grit oc’h examin diligeant
Goulennit pardon fervamant,
Grit prest ûr guir gonfession
Gant ar brassa contricion.

It d’en-em reconcilia
Hep differi gant ho nessa ;
Grit dezan restitucion,
Ha quitaït an occazion.

O pidi, o rei aluzen,
O yun, oc’h ober pinigen
E consolot ho Tad Jesus
En e Bassion truezus.

Ha c’hui va Salver, va Douë,
Pa zeui ar maro deomp ive,
Hon recevit, ni ho suppli,
E mesq an Æles d’ho meuli.