| ◄ An den samet pounner | Divis entre eur c’hliant yaouanc ac eur risquerès coz | Caz Pipi ► |
Leveret din, moëreb Cato, bet e zoc’hu coant gouech all ?
O nan biscoas, va mignon quœs, coantiri zo eun dra fall.
Couscoude e voan plac’h terrub, degaget, croc’henet caër,
Va lanchen distaguellet mad, va lagat lem a zeder.
Leveret din, moëreb Cato, bet o peus servigerien ?
O nan biscoas, va mignon quœs, na c’houl quet ar veleyen.
Couscoude ne voan quet scornet, plijout a rë din Pipi,
A pa frote eur plac’h all e santen vel jalousi.
Leveret din, moëreb Cato, tenerèt neus ho calon ?
O nan biscoas, va mignon quœs, rac ar pec’het e moa aon.
Couscoude eur sulvès pardon e c’houlas quer brao ouzin
Rei dezan eun toullat pocqo, ma voe ret din acsantin.
Leveret din, moëreb Cato, voant quet pocqo pen da ben ?
O nan biscoas, va miguon quœs, n’avanturis ma c’hroc’hen.
Couscoude eun nosvès bennac ma voan o prezeg dezan
E presegas quer brao ive quen a risquis, a gredan.
Leveret din, moëreb Cato, risquet o peus c’hoas goude ?
O nan biscoas, va mignon quœs, nemert an noz malevrus se,
Couscoude vit laret gouir, alyès pa zifunen,
E vijen meurbet souëzet o caout Pipi em barlen.
Leveret din, moëreb Cato, risqla rafec’h c’hoas bremâ ?
O nan biquen, va mignon quœs, guell ve ganen periçsa.
Couscoude mar ve ret absolu ober ze dho soulagi,
Na me quet açsur ar galon da zonet dho rèvuzi.
Leveret din, moëreb Cato, dre an hent se c’her dan Een ?
O nan biquen, va mignon quœs, na gueffet quer reis ac hen.
O trugare, moëreb Cato, ho quelen ne neo quet fall,
A couscoude vit nem salvi me guemèro eun hent all.