Diskennomp ol, kristenien (An ifern)

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout An Ifern.

Eskopti Sant-Brieg ha Landreger
Ti René Prud’homme, 1924  (p. 107-109)


N° 91. — An Ifern.
War don N° 91 (Diskan : A vianig, N° 86).


1. Diskenomp ol, kristenien, en ifern da welet,
An tourmanchou estlamus a zoufr ar re-daonet,
Pere gant justis Doue a zo dalc’het en tan,

Dre m’ho deus gret impli fal euz e c’hras er bed-man

Diskan.
A vianig am euz, etc. (n° 86).

2. An ifern zo eur prizon leun a devalijen,
Krouet evit kastian Satan hag e vanden :
An oriou zo bet zerret ha prennet gant Doue,
Ha n’o digoro biken, kollet eo an alc’houe !

3. Eur forn c’horet er bed-man na n’eo nemet moget
E kichen tan an ifern, pa grog er re-daonet :
Gwel a ve devi ’n eur forn ac’han da fin ar bed
Eget bezan en ifern eun heur hepken losket.

4. Tan ar bed-man ’n e fulor na debr nemet korfou ;
Tan an ifern a zispen korfou hag ineou ;
N’hellont na trei, na tec’hel, war c’hore ha didan,
Euz an daou du, tro-war-dro, beuet int ol en tan !...

5. Iudal a rant a bouez-pen pa zantont o virvi
Ar mel ebars o eskern, ar goad ’n o izili :
Krenan ra deuz o c’hlevet porjou dôn an ifern ;
Goaz-pe-oaz e stag an tan, hep james o espern !

6. Ar mab a zaill gant e dad, har ar verc’h gant he mam,
D’ho stlejan gant mil malos dre o bleo kreiz ar flam :
« Malos d’id mam dreïtoures, e teuz bet ma ganet,
« Malos d’id, tad dinatur, kirieg ec’h on daonet ! »

7. Fals mignonet ar bed-man, a weler a vanden
Gant skueriou fal de ha noz dre ar vro o pourmen,
En ifern, mar na chanjet, c’houi gouezo hep dale,
Leun a zrouk hag a goler an eil ouz egile.

8. Ha c’houi touerien mezus, ken a spont al loenet,
Nag a gasti dre gomjou warnoc’h a dastumet,
Warnoc’h ha war an dud paour enem gav endro d’ac’h :
Risklet int, braz ba bian, d’enem daoni genac’h !

9. An ever, pad e vue, taget gant ar zec’het,
Glac’haret e dud gantan, dismantet e iec’het,
Peurvuian rog an termen skubet euz ar bed-man,
A glasko dour hep kavet eul lom etal dezan.

10. Na pe sort kompagnunes e fornies an ifern !
Mesk ha mesk tud ha diaoulou chadenet bern ouz bern,
Laeron ha torfetourien, muntrerien ineou,
Kement hini ra brezei da Jezus hon Otrou.

11. An tan, ar gompagnunes, zo neubet koulskoude,
E kenver ar poaniou-al a zifram warneze ;
Eur prenv, eme hon Zalver, a grog en o speret,
Ha kaer o deuz hen hejan krog e chomo bepret.

12. Ar remors setu ar prenv a grign ar re-daonet
Pa zonjont en o bue er bed-man dispignet :
« Doue gwejal hon c’hare, e vouez stang e glevemp,
« Hag elec’h zenti outan er pec’het e vevemp !

13. « Tre he divrec’h an Ilis a boanie hon derc’hel,
« Pa gouezemp e tirede d’hon zikour da zevel ;
« D’imp eur belek, pa garemp, absolven a roe,
« Jezus en e dabernakl, d’hon gortos a vane !

14. « Hag e keit ma kriomp fors, devet korf hag ine,
« Leiz a dud er Barados a gan touez an Eie ;
« Darn a n-euz bevet genimp duze war an douar ;
« Panevet hon folente gante vefemp er gloar !

15. « Doue, zoursen an ol vad, mor an ol eürustet,
« Ha c’houi, Gwerc’hes burzudus, c’houi zent ha zentezet,
« Beteg ho tron birviken na bigno hon c’hlemmou,
« Birviken mui n’ho kwelimp euz a greiz ar flammou ! »

16. Evel-se, hep esperans, e vlej ar re-daonet,
Ha kaer o deuz e c’hervel ar maro na deu ket :
Bev e chommint en ifern hed an eternite,
O zourmanchou a bado keit ha justis Doue !