Pa gousk ar c’han en neiz, pa zon ar c’hloc’h en tour,
An heol ’welan a-bell war-nes kuzat en dour,
Ar blênen vorennet, ar roc’h gwisket e moug,
Ar c’houmoul o redek ’vel oc’h en em ambroug ;
Er menez e klevan ar baotred o youc’hal,
E-giz ar Gelted koz, en amzeriou gwechall ;
En-dro d’an torgennou, mouez al lern o c’hannat
O kas ar c’honifed pe war roudou eur c’had.
Me a zant an avel c’houez an douarou koz
A ra pep tra gwelloc’h, a lavar d’in en noz :
« Er-maez eus Breiz-Izel ’vi atao eun estren
Dilezet, divrôad, hirnezus da viken ! »
