C’huec’hved Cantic. Var ar maro demeus ar bec’heurien

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 29-32)



C’HUEC’HVED CANTIC.


Var ar maro demeus ar bec’heurien. Var an ear gallec : venez, venez, Esprit-Saint, dans nos cœurs.



Songit, pec’heur, e zeo red deoc’h mervel,
Hac e renquot da viquen dilezel
Gant ho puez, ho pinvidigueziou,
Ho cloar dister, ho plijadurezou.

Doue, Crouër ha barner eus ar bed,
Quement den zo en deveus condaounet
Da souffr ur veach evid mad ar maro,
Rac-se beillit var ben ma teui ho tro.

A eur c’hostez ar maro zo certen,
Mès à un all eo ive incerten ;
N'ouzoc’h an heur nac al leac’h ma varfot,
Na quen nebeut ar stad m'en em gueffot.

Bezit fallacr quement hac a guerrot,
Grit ho tiaoul, pec’hit quen a scuissot ;
Red vezo deoc’h pa sounchot biana,
Dirac justiç Doue en em renta.


Tud touellet gant an traou tamporel,
Pa deui ar poent ma vezo red mervel,
Livirit dign da betra servicho
Quement m’hoc’h eus ur goall attach outo ?

Usurer cris, pe seurt profit a reï
Oc’h avariç, nac oc’h oll laëronci ?
Quement oc’h eus destumet a gollot,
Hac en o flaç an Ifern a gueffot.

Lavar, den vil, a grimou goloet,
Gant da luxur petra c’heus gounezet ?
An tan impur a zef da antraillou,
Vezo cheinchet è tan an diaoulou.

Mezyer ifam, d’ar guin quen atteinet
Ma c’heus da goff da Zoue quemeret ;
Da goff vezo d’ar prênvet heritach.
Ha da ene à Satan ar partach.

Plac’het divez, quer quinclet, quer fichet,
O sounjal caout mui-a-se à c’henet :
Cheinch a reot ho ros è drein garo,
Hac ho mel douç è vestl meurbet c’huero.

Ar vizach-se a veze quer goalc’het.
Er mellezour quellies admiret
Hac a rea ho cloar, ho plijadur,
Ne vezo quen nemed flear, breinadur.

Ho treid qoer scânv, quel liger en dançou,
Ha d’ho touguen da scol an diaoulou,
En ur fos doun a vezo astennet
Ha crignet oll gant an amprevanet.

Sonjomp eta, ha sonjomp a zevri,
Pebez anquen, ha pebez melcony
En devezo en è heur divezâ
Nep a laca è galon er bed-mâ.


O pebez spount en deus-en o velet,
Quen alies à bec’het coumetet,
Hep beza great anezo pinigen,
Ha prest ar foultr da goueza var ê ben !

Peguer mantret eo pa gonsider
En deus, siouas ! collet ê oll amser !
C’hoant en deffe caout ur moment epquen ;
Mæs ne vezo roet dezan birviquen.

Clevit, pec’heur, terrupla gourdrouzou
A zo scrivet è levr ar Proverbou,
Enep ar re a chom bet’er maro
En ê viçou hep enebi outo.

Lies à veach emeus bet ho calvet,
Eme Zoué, pa edoc’h en yec’het :
Mes quen dallet oac’h gant traou an doüar,
M’hoc’h eus bepret great ar scouarn vouzar.

Me ameus bet va dorn deoc’h astennet,
Hac eus va graç ar sicour quinniguet,
D’ho tenna er meas an danger, ma velenn
Ezac’h da goll, siouas ! à boues ho penn.

Mès n’hoc’h eus quet priget distrei ouzin,
Nac ober van eus va c’homzou divin ;
Evit quement a meus ho reprenet,
Nemet dispris n’emeus recevet.

Ne reac’h etat nac eus ar sarmonyou
Nac à nep seurt exhortacion ;
N’ho poa quen Mestr nemed-oc’h oc’h-unan ;
Quen Director da heul nemet Satan.

Mès dont a rai soudennic ar maro,
Hac em galvot ive d’ho tro ;
Leun ho calon à drubuil hac à spount
O veza prest da renta dign ho count.


P’en em gueffot à bep tu attaquet
Gant diaoulou cruel hac arraget,
E c’houlennot sicour diguenê-me,
Hoguen ouzoc’h ne glevign quet neuse.

Quent-se d’am zro goap ac’hanoc’h a rign,
Divar ho coust gant joa vras e c’hoarzign,
Oc’h o qüelet trist ha disesperet
O vont da goll gant ho fals mignounet.

Hac en zo den quer criz ha quer câlet
Na ve nepret gant queme-mâ touchet,
Ha na zeüe quet d'en-em gonvertissa
Var ben ma zaï eus à vuez ar hed-mâ.

Rac-se va breur, ha c’hui va c’hoar gristen ;
An avis-mâ n’ancounac’haït biquen ;
Imprimit-en en ho calon er-vad,
Mar oc’h eus c’hoant ho pe eur maro mad.

Ar pez neuse a garroc’h ho pe great,
Grit-en bremâ hep differi nep-mad,
Rac ma n’er grit endra oc’h eus an amzer,
Ne gueffot quen nemed an dizesper.

Pliget gueneoc’h, hon Autrou souveren,
Rei deomp ar c’hraç da ober pinigen ;
Ma hor bezo eur maro precius,
Evit goude beza gueneoc’h eürus.