Buhez ar Sent/1837/Norbert
Norbert, mab da un Autrou bras eus an Allemaign, a dremenas darn eus e yaouanctis e Palæs ar Brincet, e pelec’h e heulias ar bed hac e bligeaduresou oc’h en em gaout bepred en oll divertissamanchou.
En amser ne songe c’hoas nemet er bed, en ur vont un devez e beaich, e savas en un taul un arneu bras ha luyat, hac e couezas ar gurun ehars treid e varc’h. Consideri a reas quemense evel un avertissamant eus an Eê, hac e quemeras var ar plaç ar resolution da zench buez. Mont a reas d’ar Retret ; ha, goude beza roet e oll vadou d’ar beaurien, en em rentas Bælec. Quemeret a eureu ur Soutanen gros a dister, hac en ur gundui ur vuez penitant ha morfifiet meurbet, ez eas da brezeg ar Binigen e Languedoc, e Guyeen, en Orleane, e Liege, hac e Brabant, en ur ober e pep-lec’h Conversionou bras ha burzuduz.
Doue, pehini en devoa-èn destinet evit beza ar Fondator eus un Institut nevez, er c’honduas da un Deserz hanvet Premontre eus a Escopti Laon. Eno e instituas un Urz nevez a Chaloniet, hac en devoe ar gonsolation da velet o crisqui bemdez an nombr hac ar fervor eus e Religiuset.
O veza bet laqueet da Escop e Magdebourg, ne zenchas netra en e fæçoun da veva ; chom a reas quen humbl, quer paour ha quer mortifiet evel ma edo diaguent : discleria a eureu ur bresel continuel d’ar viçou, hac a inspiras un devotion vras d’e bobl. Goude beza rentet a hent-all servichou important d’an Ilis e varvas evel ma varv ar re Just, er bloaz 1134 d’an oad a dri bloaz hac hanter-cant.
Represanti a rer bepret ar Sant-mâ gant ar Ciboar sacr en e zorn, evit disquez an devotion bac ar garantez vras en devoa evit Jesus-Christ er Sacramant adorabl eus an Auter.
1. E Palæs ar Prinç ne doùn biscoas countant, hac er Gouent n’am eus cavet biscoas displigeadur.
2. Beza ez-oùn bet e palæs ar brincet, bet oùn er solitud hac er gouent, oet oùn er c’hargou hac en diniteou eus an Ilis, ha desquet am eus e peb lec’h penaus ne deus netra guelloc’h netra douçoc’h eguet beza oll da Zoue hac e servicha ervad.
3. E creiz a mortificationou ez euz ur sourcen, un torrant a bligeadurezou hac a zeliçou evit ar re a oar o zànva.
4. An oll madou eus ar bed ne tallont quet ar peoc’h
hac ar repos eus a ur goustianç vad.
Doue en em servichas eus un dra estlams, eus un taul gurun, evit ober da Norbert antren ennâ-e-unan, hac en em gonvertissas ; ha Norbert ha brofitas eus an avertissamant a roe Doue dezàn.
Peguement eus ar re memes pere a gundu, ur vuez mechant ha libertin a ve Sænt bras, ma carfent profita eus a gant accidant pere a c’hoarvez er bed, ha pere a so quer capabl d’o distaga dious ar bed, ha da ober dezo labourat evit o silvidiguez. Un accidant trist pehini a c’hoarve gueneomp pe a velomp oc’h arruout gant ar re-all, ur maro subit, ur ranversamant a fortun, ur c’hlènvet, un disgraç, un displigeadur a so ordinal, en dessin eus ar brovidanç divin, moyenou a gonversion evidomp. Eürus an nep a brofit eus an avertissamant a receo eus an Eê !