Buhez ar Sent/1837/Liduvina

Eus Wikimammenn
Sauter à la navigation Sauter à la recherche
◄   Hermenegild Liduvina Per Gonsalez   ►


Ar pevarzecvet devez a viz Ebreul.


SANTES LIDUVINA, GUERC’HES.


————



Pliget gant Doue, pehini hervez ma tesq deomp an Abostol Sant Paul, a so un Doue a batiantet hac a gonsolation, rei deomp ar memes desir hac ar memes couraich da anduri gant patiantet un dra bennâc evit tâ, evel m’en deus roet da Santes Liduvina.

Ar Santes-mâ, guinidic eus an Holand, ha paour a vadou ar bed, a gavas cousgoude meur a fortun-vad, dre’n abec me devoa ur guenet bras ha cals a furnez ; mæs ar plac’h santel-ze, pehini e devoa c’hoas muy a vertuz evit a c’henet, hac a zesire ispicial conservi he virgine epad he buez, a bedas an Autrou Doue da lemel diganti ar guenet-se, ha de renta difæçoun, evit na zeuzie muy den d’e goulen e dimizy.

Da benn neubeut amser e clanvas, ha Doue, evit ober anezi un exempl bras a batiantet, a bermetas ma voe affliget epad eiz vloaz ha tregont gant clènvejou quen estrainch ma oa un eus e guelet ; ha bepred e anduras he foan gant ur peoc’h admirabl ha gant ur joa vras interior. Comprenomp dre eno peguement a ell ar c’horf da souffr, pa vez an ene leun a garantez Doue.

Mar voa bras he fatiantet, e c’harantez evit he nessa ne voa quet neubeutoc’h admirabl. Pa velas ez oa he mam prest da vervel, e ofras evit-y da Zoue an oll boan hac an oll anquen e devoa anduret bete’n amser-ze, evit obteni dezi ar c’hraç da gaout ur maro eürus.

Un den dibauchet bras o veza deut un deiz d’e guelet, ar Santes, goude beza en exhortet da cench buez, er pedas en han-Doue da chom un nosvez gourvezet var ur memes costez hep flaich, ha da songeal er poaniou diremed a andur an eneou maleürus en Ifern. An den-ze a sentas out-y hac en em gonvertissas.

An Holand o veza affliget gant ur c’hlènvet horrubl, Liduvina, touichet o velet affliction ha desolation ar bobl, a bedas an Autrou Doue da appesi e goler, ha d’e affligea e-unan hebquen.

He c’harantez evit an eneou eus ar Purgator a ree ive dezi offri alies, da Zoue evit o soulageamant ar poaniou bras a sante en he c’hlènvejou.

Erfin, oaget a dri bloaz hac hanter-cant, ez eas da receo en Eê ar Gurunen en devoa militet dre he fatiantet. Mervel a eureu er bloaz 1433.

REFLEXION.

Ar Santes-mâ a so bet affliget gant clènvejou bras epad eiz vloaz ha tregont, hac o souffret e deus bepret gant peoc’h ha gant joa. Ar c’hlènvet a so ur presant digant Doue, hac a so alies profitaploc’h eguet ar yec’het, petra bennâc ne d’ê quet quen agreabl. Doue en deus e zessin pa ro deomp ar c’hlènvet : beza ez-eo pe evit hor punissa abalamour d’hor pec’hejou, hac evit hon tenna anezo, pe evit hon emproui ha rei deomp occasion da vilitout.

Pa viot clàn var ho quele, songit ez oc’h var ar guele-ze evel var ur Groas, ha considerit gant pebes patiantet emedo Jesus var e hini. Songit ez eus cals a dud paour abandounet en o c’hlènvet, pere a souffr muy c’hoas evit na rit-hu ; songit er boan a andur an eneou er Purgator, hac en em istimit eürus ma ro Done deoc’h ar c’hraç da ober ho pinigen, pe da viana darn anezi, er bed-mâ.

En amser an adversite hac er c’hlènvejou e aznavezer an dud just dious ar re impi ; rac, eme Sant Cyprian, an den impi, pa stourm un dra bennâc ountâ, pa erru gantàn ur boan pe un affliction bennâc, a zeu da vurmuli ha da vlasfemi ; elec’h er c’hontrol e aznavezer an den just dre e batiantet.

Eil Reflexion. Santes Liduvina a gonvertissas un den dibauchet-bras, en ur ober dezàn songeal un nosvez e poaniou an Ifern. Pelec’h ema an den hac a raë ar pec’het ma sonche a barfetet er poaniou diremed-se ? Ma ve elumet un tan bras dirazoc’h, ha lavaret deoc’h : mar grit an drouc-se, pe ar goal action-ze, e viot punisset rac-eon, e vezo lequeet ha dalc’het ur maread-amser e creiz an tan-ze ho torn pe ho troat ; ha ne ve nemet e spaç ur Bater, pehini a zeufac’h-u da c’hoas ? Peguer mad e tivollac’h-hu neuse gant aoun rag ar bunition-ze. Mar d’ê capabl ar spount rac ur punition eus ur c’hard’heur, ha memes berroc’h, da zistrei dious an drouc un den mechant ha goal-intantionet, pebes impression na dle quet ober var ho speret ha var ho calon ar spount hac an horrol eus an Ifern ! Pa viot eta temptet da bec’hi, en em liquit da gonsideri ar flammou devorant hac eternel reservet d’ar bec’herien : dre ar voyen-se e trec’hot ar brassa temptationou.