Buhé admirabl santés Rose a Viterb

Eus Wikimammenn
Sauter à la navigation Sauter à la recherche


Buhé admirabl Stés Rose à Viterb.


A PE oai én hé havel, ne oai jamæs gouyet é ouilai èl er vugalé aral : troeit e oai attàu é deulegat trema en Nean, ha hi e boussai marauéh huannadeu quen douce, hi a oai cair hanàuet, dré er joé e barissai ar hé visage, é oai déja ambraset hé halon guet er flam douce a garanté en Eutru Doué. Quettan conzeu e laras e oai Jésus ha Mari, ha quettan pazeu e ras e oai monet d’hum laquat ar benneu é deulin dirac ur grucefi ha limage er Uériés, én ur fæçon quen humbl ha quen devot, ma oai souéhet hé zad hac hé mam.

D’en oaid a dri blai, hi hum laquas un dé ar hé deulin dirac hé zad hac he mam, eit ou fedein d’hé lezel de vihuein revé en Aviel. Hi e choégeas ur habinet é ty é zud, a béhani ne sortiai meit de monet d’en Ilis. Hé buhé ne oai hemp quin ur hoareis continuel, mæs memb buhé un ÆL. Hi e yunai hac hum gastiai quement ma couéhai gùéhavé semblet. Hé zad hac hé mam e fallas dehai hé laquat de changein a vuhé ; mæs hi ou laquas de changein ou hani, a p’ou doai gùélet er miracleu bras e rai en Eutru Doué a balamort dehi, é spécial a p’ou doai gùélet unan ag ou bugalé é vout ressuscitet dré hé fedenneu.

D’en oaid a nàu vlai, en Eutru Doué e zegassas dehi ur hlinhuet bras, que ne greder é peb momant é hai de dremén ; mæs souéhet hoent bet, a p’ou doai gùélet er Uériés glorius Vari é tisquen ér gambr guet un nombr bras a Ælet, é tostat de uélé er hroaidur clan-zé, doh hé hemèr a vréhat, doh hé boquein, hac é ordrénein dehi quemér en habit ag en drivet-Urh a benigen. Quentéh èl ma oai gùelleit dehi, hi e zas de oulen ha de guemér en habit ag en Urh.

Monet e ras dré er ruïeu ur grucefi én hé dorn, hac er goêd é tivir er goulieu groeit guet en tauleu disciplin, én ur grial d’en dut gobér penigen, pé é veint bet collet. (Tennet ag el livr bas-breton.)