Breiz-Izel

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Breizh-Izel.

Moulerez Sant-Gwilherm, 1909  (p. 1-3)



Breiz-Izel
————



\score {
  \version "2.18.2"
  \relative c'{
    \autoBeamOff
    \override Rest #'style = #'classical
    \key f \major
    \time 6/8
    \partial 8*3
    c8 f a c4. a8 g f | \break
    a4. a8 g c, | g'4. a8 g c, | f4. f8 a d | \break
    c4. a8 g f | a4. a8 g c, | \break
    g'4. a8 g c, | f4. r4 r8 \bar "|."
  }
  \addlyrics {
    Gant ar mor glas e -- vel gou --
    riz, Na kaer ec’h eo hon Mam -- Vro Breiz! Bro ar gwe
    derw, ar vein ka -- let, Bro an tou --
    rio dan -- te -- le -- zet!
  }
  \layout {
    line-width = #125
    ragged-last = ##t
  }
  \midi { }
}
\header { tagline = ##f }


Gant ar mor glas evel gouriz,
Na kaer ec’h eo hon Mam-Vro Breiz !
Bro ar gwe derw, ar vein kalet,
Bro an tourio dantelezet !

Bro ’lec’h a zo traouienno glas,
Tosenno koant ha koajo bras,
Brug, lan-melen el lanneier,
Ha gwiniz kaer er parkeier !

Milino koz ’hed ar sterio,
En o c’hichen dalc’hmad skluzio,
Dour o trouzal, ’vel kounnaret,
Da vont’n e hent pa ve harzet !


Gwenojenno ha hencho don,
’Lec’h alïes e red gedon,
Kleunio uhel ’tre ar parko,
’Lech kan an evn war ar branko !

O kas o zaout war ar maezio,
Pôtred vihan gant o sonio,
Sonio ken koant ma ve laret
Eo gant Ele ’vent richanet !

Mouez an hekleo ’barz an draouien
O tisrevel ar ganerien,
Ha mouez ar c’hi a renk harzal
An disteran ma klew trouzal !

Met deut breman da dal ar mor,
Eus an Argoad deut d’an Arvor,
Ewit gwelet ar gwagenno
O’n em zrailhan war hon aocho !

Neblec’h ar mor na sko ken gwaz,
Neblec’h muioc’h ne c’hoari vaz ;
Labour ’nevo c’hoaz da beilhet,
Roc’h Breiz-Izel a zo kalet !

Gant ar roc’h ze eo e savet
Hon zourio koant dantelezet,
Tourio uhel ’vel bizïed,
’Trezek an Env dalc’hmad troet !

Stank e kaver en Breiz Izel
Kroaz-venerez, iliz, chapel !

Labour ar fe, fe hon zado,
’Deus gret kement a vurzudo !

Dre oll, ouz krap an tosenno,
Pe guzet ’kreiz an traouienno,
Eun iliz vrao pe eur maner
’Didu lagad an tremener !

Diouz ar beure ha da zerr noz,
’Hedan draouien hag ’us d’ar roz,
’Klewer o son an anjeluz,
O hirvoudi ar glaz klemmus !

Ha d’ar zulio, mouez ar c’hleier,
Joausoc’h kalz o vont dre ’n er,
Evel douget gant an awel,
’C’halw d’o iliz tud Breiz-Izel.

’Met eun dra c’hoaz glewer en Breiz,
War ribl ar mor koulz ha ’n he c’hreiz ;
Breiz ’deus eur yez, ar brezoneg,
« Yez an dud vat ha kalonek ! »

Eur yez dispar ’halfe bean,
O ya! mam-gunv da nebeutan,
Mam-gunv da yez ar C’hallaoued,
Ha da galz c’hoaz komzet er bed !

O Bretoned, karet ho pro ;
Miret erfad, ha wareun dro,
Ho kizio koz, ho yez, ho fe,
Bet gwir-Vreiziz, en han’ Doue.