War an douar enor, bennoz,
Peoc’h peurbaduz er baradoz,
D’ar re n’espernont ket ho foan
Evit sevel yez ar vro-man.
N’hellet ket nac’h, e Breiz-Izel,
Ar Brezounek, gand ar brezel,
A zeblante toc’hor meurbed,
Ha prest da veza sebeliet.
Setu aboue bloaveziou
Tud a galoun, a vandennou,
Diwanet e peb korn a Vreiz,
O stourm oc’h amzer ha tud kriz.
Dre c’hras Doue ho labourou
A zoug deliou koant ha bleuniou ;
Ar Brezounek a zo karet,
Kanet, meulet ha kalz skrivet....
