Bibl/Levr S. Judaz

Eus Wikimammenn
< Bibl
Sauter à la navigation Sauter à la recherche
troet gant Le Gonidec.
L. Prud’homme, 1866  (Levr kentañ Eil levr, p. 670-671)



LIZER KATOLIK
SANT JUDAZ ABOSTOL
————



1. Judaz, servicher Jézuz-Krist, ha breûr Jakez, d’ar ré a zô dilennet gan̄d Doué ann Tâd, hag a zô miret gan̄t Jézuz-Krist, goudé béza hô galvet.

2. Ra greskô enn hoc’h ann trugarez, ar péoc’h hag ar garan̄tez.

3. Va minoun̄ed kér, c’hoan̄t em boa da skriva d’é-hoc’h diwar-benn hor c’hen-feiz, hag hiriô eo réd d’in skriva d’é-hoc’h, évid hoc’h erbédi da vrézélékaat évid ar feiz a zô bét rôed eur vréach d’ar zen̄t,

4. Rag en em ruzed éz eûz enn hô touez tûd fallagr (diwar-benn péré é oa bét diouganet ar varnédigez-zé), péré a gemm gras hon Doné évid al likaouérez, hag a nac’h Jézuz-Krist, péhini eo ar Mestr hép-kén hag hon Aotrou.

5. Hôgen mé a fell d’in digas da goun d’é-hoc’h ar péz hoc’h eûz desket eur wéach, pénaoz ann Aotrou goudé béza dieûbet ar bobl eûz a zouar ann Éjipt, a gollaz d’ann eil wéach ar ré n’hô doa két krédet;

6. Pénaoz é talc’h enn dévalien hag é vir bété barn ann deiz brâz, goudé béza hô staget gan̄d éréou peûr-baduz, ann élez, péré n’hô deûz két miret hô aotrouniez, hag a zô éat-kuit eûz hô zi hô-unan.

7. Êvel ma eo deûet Sodoma ha Gomorra, hag ar c’heriou war hô zrô, péré a ioa en em zirollet ével-t-hô er c’hadélez ; hag a ioa éat war-lerc’h eur chik a-ziavéaz, da véza skouér d’ann tân peûr-baduz gan̄d ar boan hô deûz gouzan̄vet ;

8. Enn hévélep doaré ar ré-man̄ a zaotr ivé hô c’hik, a zispriz ann aotrouniez, hag a zrouk-prézeg gan̄d ar veûrdez.

9. Hôgen Mikéal ann Archel, pa strivé gan̄d ann diaoul diwar-benn korf Moizez, na grédaz két bé varna gan̄d drouk-prézeg ; hôgen lavaroud a réaz : Ra drec’hô aon Aotrou ac’hanod.

10. Hôgen ar re-man̄ a zrouk-prézeg eûz ar péz ha na ouzon̄t két : hag en em zaotra a réon̄t é kémen̄t a anavézon̄t, ével loéned direiz.

11.Gwâ hi, râk kerzet hô deûz é hen̄t Kain, touellet in̄t bét dré ar gôbr ével Balaam, kollet in̄t bét évid hô énébiez ével Koré.

12. Ar ré-zé a zô ann dismégan̄s eûz hô panvésiou a garan̄tez, pa zebron̄t enn-hô héb aoun, ha na glasken̄t néméd en em vaga hô-unan ; koabr disour in̄t, péré a zô kaset tu-man̄ ha tu-hon̄t gan̄d ann avel : gwéz ann diskar-amzer in̄t, péré a zô difrouez, diou wéach marô, ha dic’hrisiennet :

13. Koummou diboell eûz ar môr in̄t, péré a daol ével eonn éon hô lousdôni : stéred réd in̄t, évit péré eo miret eur stourm tén̄val da vikenn.

14. Diwar hô fenn eo en deûz diouganet Énok, péhini eo bét ar seizved adaleg Adam, ô lavarout : Chétu ann Aotrou a zeù gan̄d eunn niver brâz eûz hé zen̄t,

15. Évid dougen hé varn war ann holl dud, hag évit ken̄drec’hi ann holl gomsiou flemmuz a lavar ar fallagred-zé a-énep Doué.

16. Ar ré-zé a zô krôzerien flemmuz, péré a gerz hervez hô c’hoan̄tou, hag a lavar komsiou balc’h, oc’h énori ann dûd diouc’h ar gounid a zeù d’ézhô.

17. Hôgen évid-hoc’h, va breûdeûr kér, hô pézet koun eûz ar geriou a zô bét diouganet gan̄d Ébestel hon Aotrou Jézuz-Krist,

18. Péré a lavaré d’é-hoc’h pénaoz enn amzer zivéza é teûiô touellerien péré a gerzô er fallagriez hervez hô c’hoan̄tou hô-unan.

19. Ar ré-zé a zô tûd hag en em rann hô-unan, ével loéned, ô véza n’éma kéd ar Spéred gan̄t-hô.

20. Hôgen c’houi, va breûdeûr kér, oc’h en em zével hoc’h-unan ével eunn ti war hô feiz san̄tel-meûrbéd hag ô pidi dré ar Spéred-San̄tel,

21. En em virit é karan̄tez Doué, ô c’hortozi trugarez hon Aotrou Jézuz- Krist er vuez peûr-baduz.

22.Tamallid ar ré a zô barnet :

23. Savétéit lôd oc’h hô zenna eûz ann tân. Hô pézet truez oud ar ré all dré aoun ; ha kasait ével eur zaé saotret kémen̄d a zalc’h eûz a vreinadurez ar c’hik.

24. Hôgen d’ann hini a zô galloudek a-walc’h évid hô mirout bép péc’hed, hag évid hô tigas dinam dirâg he c’hloar, hag el lévénez é donédigez hon Aotrou Jézuz-Krist,

25. Da Zoué hép kén hor Salver, dré Jézuz-Krist hon Aotrou, ra vézô ar c’hloar hag ar veûrdez, ar galloud hag ann aotrouniez, abarz ann holl amzeriou, ha bréma, hag é holl amzeriou ann amzeriou. Amen.