Barzhaz Breizh/1846/Mellezourou arc’hant

Oberennoù damheñvel pe handelvoù all zo ivez, gwelout Ar Melezerioù Arc’hant.

Kervarker

Barzaz Breiz

Franck, 1846 (Levrenn 1 Levrenn 2, p. 380-382)

◄ Ar c’hloarek paour

Mellezourou arc’hant

Kroaz ann hent ►

XIV

MELLEZOUROU ARC’HANT.

(Ies Gwenned.)

Chileuet holl, ho ! chileuet !
Ur zonik neue zou sauet.

Ar Varc’hait doc’h Gerglujar,
Probikan plac’h oa oar enn doar

Hag he mamm a lare d’ehi :
— Mac’haid geh, koantik oc’h-hui !

— Ha petra vern d’eing bout ken brao,
Pe n’em zimeiet ked atao ?

Ha pa ve ann aval e ru,
Red eu he gutuil, ha doc’htu !

Koei ra doc’h er ween ann aval ;
Ma na gutuler, ia da fall.

— Me merc’hik, en emgonfortet,
Abenn ur bloe e vec’h dimet.

— Ha mar varvann arog ur ble ?…
Hui po glac’har vraz goude-ze !

Ma varvann-me arog ur ble,
Me laket enn ur be neue.

Laket tri bouked ar me be,
Unan a roz, daou a lore.

Pe zeuio ar gloer d’er vered
E gemerint bep ur bouked,

Hag e larint ’nn eil d’egile :
— Chetu eur plac’h ieuank ame

Pini a zou marue ’nn hi c’hoant,
De zougenn mirouereu argant. —

Ar ann hent braz kent me laket,
Kloc’h aveid on ne zono ket ;

Kloc’h ar enn doar ne zono ket,
Belek d’am c’herc’het ne zeui ket. —

————

$\score { \version "2.18.2" \relative c'{ \clef treble \key c \major \tempo \markup {\italic Triste.} \autoBeamOff \time 6/8 \partial 8*3 a'8 a a g4. c8 b c | \break a a a a a a | g4. c8 b c | \break a4. c8 c c | c4 e8 e4 d8 | \break c b a a4 g8 | g c b a-> g a | \break a4-> g8 g c b | a4 r8 \bar "|." } \addlyrics { Se -- leu -- et holl, ho! se -- leu -- et; o ge! Se -- leu -- et holl, ho! se -- leu -- et! Ur zo -- nik ne -- ue zou sa -- uet Ti ra la la ti -- ra la la Ti -- ra la la ti -- ra la la } \layout { line-width = #123 } \midi { \context { \Score tempoWholesPerMinute = #(ly:make-moment 90 4) } } } \header { tagline = ##f }$