Barzhaz Breizh/1846/Iannik Skolan

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Yannig Skolan.

Franck, 1846  (Levrenn 1 Levrenn 2, p. 176-190)



XVI


IANNIK SKOLAN.


darn genta.


(Ies Gwenned.)


I.


Trou mare e sarre ann de,
Teue enn drufereh du-me.
Pe zeu ann drufereh enn ti,
Doc’h enn holl defe jolori :

— Dou ho pennigo enn ti-me,
C’hui, groageh, ha c’hui bugele ;
Deut on eur wech hoah de vale ;
Mad er bed gen hoc’h tro-zreme ?

— Allaz ! me c’homer, ne c’huitann ;
Hegon ann oac’h peur e zou klan ;
Ha mar bad re bell he glenued,
Dao vo d’eing mont de glask me boed.

Tapet ur skabel, korn ann ti,
Me c’homer, euit azei ;
Azeet anze, me c’homer,
Ha kontet d’i-men eunn dra gaer.

— Traeu gaer awalc’h e zou digouet,
Me zonj, me c’homer peuz kleuet ;
Ne peuz ket kleuet, me c’homer,
Pez zou digouet endro d’er ger ? —


Neuze e larez enn oac’h keh :
— Reit d’ar c’hroek-ze eur banac’h leh,
Eur banac’h leh hag eur grampouen,
E vou laket ar hi barlen.

— Iannik Skolan zou bet tapet,
Zou bet tapet zou bet krouget,
Krouget-mad ar dachen Gwenned ;
Torfedeu ’walc’h en defa groet.

— Me c’homer, ne glevon netre,
N’hallonn ket mont mez ann ti-me,
N’hallonn mont neblec’h de vale,
Ged damant doc’h me bugale

— Torfedeu ’walc’h en defa groet,
Diboe e oe deut ar er bed ;
Torfedeu ’walc’h en defa groet,
Kentoc’h da lahein Morised.


III.


Pe ziwalle loned hi zad,
Ne doa d’ei sonj nemeid de vad ;
Ne doa gwelet meid eur wec’h ’nei
Gwelet he daon mont gand er blei.

Nemeid eur wec’h ne doa gwelet ;
Chetu diou broumen e deuz groet ;
Gwelet e doa ha groet eur zon
E ve kanet barh er c’hanton :

— « Kaon ! kaon ! d’am daonik gwenngornik !
Kaon ! kaon! d’am daonik penn-gwennik !
Kaon ! siouah ! kaon, kaon ! d’am danvad,
Hag a oe eul lonik ker mad ! —


Iannik Skolan oe tont d’ar ger,
Get-han enn dorn he grok poueher :
— Morisetik hui a gan ge,
Eur bouchig a refet d’i me.

— Eur bouch d’hoc’h-hu me ne rinn ket ;
Eur potr fall oc’h mar zou er bed. —
Hag hi kuit doc’htu o redek ;
Hegon ne oe tost ker e-bed.

Ha hon ar hi lerc’h a lammez,
Ha skoi get-hi teir gwech a rez ;
Ken hi file ’nn he foulad goad,
Sarret get-hi hi deulaged.


III.


Seih pe eih te oa tremenet,
Hi zad d’er ger ne oe ket bet,
Ar dro uennek heur pe greiz-te,
Hi zad d’er ger a zigoee.

— Bugale bor, deing leveret,
Petra peuz ’ta ken glac’haret :
Nag ho c’hoar men e ma hi oet ?
— Abred awalec’h e klefet !

Abred awalac’h e klefet
Doare doc’h hou c’hoer Morised ;
E ma hi tu-hont tal er prad
Hag hi e neunial enn hi goad.

Er gwiader neuz hi lahet !
Diboe m’oc’h ac’han diblaset,
Oe kas hi dougen d’er pec’hed ;
Iannik Skolan neuz hi lahet !


Oe kas hi dougen d’er pec’hed,
Ha pedal n’en deuz ket gallet ;
Hi oe ar plac’h diged Doue,
Felle ket kollein hi ene.


IV.


E Kas Morised d’enn doar,
Zivere er goad doc’h er c’harr,
Tud koh ha ieuang e welein
He zad por, arlec’h, hirvoudein.

Mar peuz c’hoant de wel’t Morised,
Ar hent braz Melrand hi c’heffet ;
Sauet zou bet ur groez neue,
Lec’h e deuz kollet hi buhe.


————


XVII


IANNIK SKOLAN.


eil darn


(Ies Treger.)


Iannik Skolan hag he baeron
Zo et ho daou da c’houl pardon,
Da c’houl true d’ann eneo,
Da c’houl pardon d’ar bec’hejo.

Iannik Skolan a c’houlenne,
Enn ti he vamm pa enderue :
— Noz vad ha joa, tud ann ti-man,
Hag ed eur da gousket enn han ?

Ed oc’h holl aman da gousket,
Nemet ma eunan onn chomet ;
Me a zo chomet ma eunan
Aman, evit paka ann tan.

— Na dre belec’h oc’h-hu deuet ?
Ma dorojo em boa prennet ;
Prennet em boa ma dorojo.
Ha moraillet ma frenecho.

— Mar poa prennet ho torojo,
Me war ann doare a bell-zo.
Enaouet goulo, c’houezet tan,
Ha welfec’h daou e-lec’h unan. —

Ar goulo pan eo bet c’houezet,
Meurbed ema hi bet spontet.
O welet daou war al leur-zi,
Da hanter-noz o komz out-hi.


— Tevet, va mamm, na spontet ket ;
Me eo ar mab hec’h euz ganet,
Zo deut eur wech c’hoaz d’ho kwelet :
Bennoz va mamm am euz kollet.

Du eo da varc’h, du oud ive ;
Ker garv he reunen ma pikfe ;
C’houez karnou rostet a glevanan :
Va malloz gand ma mab Skolan !

— War marc’h ann diaoul onn deut aman,
Gant-han d’ann ifern e eann ;
Me ia d’ann ifern da leskin,
Ma na geret ma fardonin.

— Penoz oufenn az pardonin ?
Braz e ann droug a t’euz gret d’in :
Laket t’euz ann tan em zi forn,
Ha devet Triouec’h loen-korn.

— Va mamm, me voar ervad am euz,
Siouaz dre wall-ioul, ha dre reuz ;
Hogen, pa’m euz true Doue,
Va mamm, ho pet ouz in true !

— Penoz oufenn az pardonin ?
Braz eo ann droug a t’euz gret d’in :
Gwalla teir deuz ta c’hoarezed,
Lahan va nizez Morised !

— Va mamm, me voar ervad am euz
Siouaz, dre wall-ioul ha dre reuz,
Hogen, pa’m true Doue,
Va mamm, ho ped ouz in true !

— Penoz oufenn az pardonin ?
Braz eo ann droug e t’euz gret d’in :
Kollet t’euz d’in va leor bihan,
Ma flijadur war ar bed-man.


— Va mammik paour, em pardonnet ;
Ho leor bihan ne ket kollet ;
N’e deo ket kollet dre ma bet
Enn deon ar mor tregont gourred.

N’euz erruet droug ebet gant-han
’Met gant teir feillen anean ;
Eunan dre zour, eunn all dre ’m goad,
Eun-all gand daerou m’ daou-lagad. —

Neuze he baeron, oa gant-han,
E deuaz da gomz evit han.
— Penoz, mamm gri, t’euz ankouaet
Ma hen ar mab e t’euz douget !

Penoz, mamm gri ha dinatur,
Bardonfez ket ta krouadur !
Ma ia da vugel d’ann ifern,
Te iei ive kig hag eskern.

— C’hoaz kent evit m’az pardoninn,
Eunn dra bennag e larfez d’in
Demeuz ar pez e t’euz gwelet
Aboe m’oud eet diwar ar bed.

— Ma mamm, ma mamm, ma em c’hredet,
Koue d’ar gwener na refec’h ket ;
Neb a verv lijo d’ar gwener,
Paredi ra goad hor Salver ;

Lamfet ket ’r c’houk digand ar iar
Na Iann ar-boc’hig digand par ;
Ar c’hilog a gan enn huel,
A gan pa gan ann ebestel ;

Pa gan ar c’houk da hanter-noz,
Kan ann elez er baradoz ;
Pa gan ar c’houk, pa strink ann de,
E kanont holl, sent hag ele.


Dreist peb tra d’hoc’h e gelennann,
Ha dalc’het sonj deuz ann dra-man :
Minellet ann hoc’h, pe hend-all
Turiella rei ar park segal.

Mouchet mad ho kole bihan,
Pe hend-all e po poan gant han ;
Ha heudet mad ho marc’h divank,
Pe en em veunzin rei er stank. —

Antronoz-beure, pa zavaz,
Men ann oaled toull a gavaz :
Hi a gavaz toull ann oaled :
Gand penn he c’hlin oa bet toullet ;

Ha lommo goad etoez ar glaou
En doa skuillet gand he zaelaou,
War al ludu ha war ann tan
Hag a oa bet mouget gan-han.


————