Barzhaz Breizh/1846/Ann ifern
Oberennoù damheñvel pe handelvoù all zo ivez, gwelout An Ifern.
Diskennomp holl, kristenien, enn ifern da welet
Ar wanerez estlammuz euz ann eneou daonet
Pe re zo dre wir Doue dalc’het e-barz ann tan,
O veza gret gwall zispign euz he c’hraz er bed-man.
Ann ifern zo eunn toulldon leun a devalijen,
Elec’h ne weler morse bihana sklerijen,
Ann noriou zo bet sarret ha prennet gand Doue,
Ha n’ho digoro biken ; kollet eo ann alc’houe !
Eur forn c’horet er bed-ma n’ed eo nemed moged,
E-kever tan ann ifern, tan eneou daonet,
Gwell e ve devi enn hi ac’han da fin ar bed ;
Eget beza enn ifern e-pad eunn heur gwanet.
Iudal reont a-boez penn, evel chaz kounnaret ;
Ne ouzont pelec’h tec’het, peb-lec’h ez-int losket ;
Ann tan zo war ho gorre, ann tan zo dindan ho,
Ann tan zo a bep kostez hag ho devo ato.
Ar mab a lamm gand he dad, hag ar verc’h gand he mamm,
Ho stlnjo, gand mil malloz, dre ho bleo, kreiz ar flamm.
— Malloz d’hoc’h grek diaket, hag hoc’h euz hon ganet ;
Malloz d’hoc’h, tra didalvez, kiriok oc’h omp daonet ! —
Ho magadurez a vo da viken gand Satan
Kaezour ann dragoned, etouez ar gwaziou tan ;
Hag ho evach, ho daelou, hag a vezo mesket
Gand mil ha mil seurt viltanz ha goad ann touseged.
Ha kignet vo ho c’hroc’hen, hag ho c’hik difreuzet,
Gand beg ann aered-wiber, kouls ha dend ann diaouled,
Hag enn tan a vo ruillet ho c’hig hag ho eskern,
Evit ma tevo kreoc’h forn vraz euz ann ifern.
Goude ma vezint losket eur boutadig enn tan,
E vint tolet enn eul lenn leun a skorn gand Satan,
Ha deuz al lenn barz ann tan arre vint didolet
Ha deuz ann tan barz ann dour, ’vel al loc’h-houarn goeliet.
Neuze teuint da wela, da wela gand enkrez :
— Ho ped ouz omp, ma Doue, ho ped ouz omp truez. —
Hogen enn aner welint ; rag ’tra bado Doue
E pado ho ankeniou hag ho enkrez ive !
Ken ter a vezo ann tan ho rosto enn ifern,
Ma teui ar mel da virvi, penn-da-benn ’nn ho eskern,
Seul-vui c’houlennint true, seul-vui e vint gwanet ;
Kaer ho devezo iudal, losket e vint bepret.
Ann tan-ze a zo c’houezet dre vuanegez Doue,
Ha halfe ked hen laza evel pa ma garfe ;
Biken na dolo moged, ha biken na devo,
Heb ehana d’ho leski biken n’ho diskarro.
![\score {
\version "2.18.2"
\relative c'{
\clef treble
\key f \major
\override Rest #'style = #'classical
\autoBeamOff
\time 6/8
\partial 8*1
a'8 a4 a8 f([ g]) bes | a4. g8([ f]) a | \break
g([ f]) f g4 a8 | a4. r4 a8 | a4 a8 g([ a]) bes | \break
a4. g8([ f]) a | g([ f]) f g4 a8 | \break
a4. r4 d,8 | f4 g8 a([ g]) bes | a4. g8([ f]) bes | \break
g4 a8 g4 f8 | e4. r4 d8 | f4 g8 a([ g]) g | \break
a4. g8([ f]) g | g([ a]) g f4 e8 | d4. r4 \bar "|."
}
\addlyrics {
Dis -- ken -- nomp holl, kris -- te -- nien, enn
i -- fern da we -- let Ar wa -- ne -- rez es -- tlam -- muz euz
ann e -- neou dao -- net Pe -- re zo dre wir Dou -- e dal --
c’het e -- barz ann tan, O ve -- za gret gwall --
zis -- pign euz he c’hraz er bed -- man.
}
\layout { line-width = #123 }
\midi {
\context {
\Score
tempoWholesPerMinute = #(ly:make-moment 100 4)
}
}
}
\header { tagline = ##f }](http://upload.wikimedia.org/score/d/d/dd88njiqxc1im3c558bdqw9zih2cyxw/dd88njiq.png)