Ar er Grucefiemant

Eus Wikimammenn
Sauter à la navigation Sauter à la recherche


V. MÉDITATION.
Ar er Grucefiemant.


CONSlDÉRET hun Salvér arrihuet ar er Manné Calvar ; sellet guet truhé er Juiffet cri doh en dihusquein, hac èl ma oai staguet é zillad doh é oulieu, int e refresq é ol vlesseu, hac e laqua er goêd de ridêc a guement tache e zou én é gorf. Er staguein e rant doh ér groéz ; grouïat e rant è zeu zorn hac é zeu dreit guet tacheu bras, ha tennein e rant ar ou nerh ar é vambreu eit ma t’arrihueint guet en toulleu groeit a guênt ér hoêt eit en tacheu. Goudezé è plantant er groéz èn doar ; int hé lausq de gouéh a hurlam én toul deon-zé. O péh ur gloéz, mar dès bet biscoah, eit hun Salvér a garanté é spin doh en tacheu ! Chom e ra tair ær ér stat-cé hemb merhuel.

2° Considéret péh quer méhus e oai er marhue ag er groéz. Bout nuah eit hunan quer pur èl Jésus ; bout crouguet dirac ur bobl a dut tolpet a bep bro de Jérusalem eit er gouil bras a Basq, péré e insultai d’é varhue guet en temalationeu hac en anjulieu infamman. Entretan Jésus ne ra meit pedein eit-ai : pardonnet dehai, e m’ean, me Zad, rac ne ouzant quet petra e rant.

3.° Considéret è zihue-vréh digueor eit hun bréhatat, mar caramb hum rein dehou ; staguet é guet tacheu eit discoein demb péh quer son, péh quen daihabl é e garanté dohemb. Crucefiet-é ha merhuel e ra nuah, eit desquein demb hum zistaguein a zoh querment tra e zou ér bed, ha disprisein en danné, en dillat cair, hac en ol treu, de bérè é ma quen taulet bugalé Adam, abalamort d’er goal inclination hun nès hèritet doh t’ou. Anfin tremén e ra én ur bléguein é bèn adorabl, eit rein demb é speret.

Considèret ehué er Uériés Vari beniguet ha sant Yehan en Apostol doh treid er groéz. Jésus e recommand é vam de sant Yehan, én ur laret dehou : Chetui hou mam, hac e lar ehué dehi er sellet èl hé mab, én ur laret : Moéz, chetui hou mab. Péh un troq trist eit er Uériés affliget ! Goulennet guet-hi, ha guet sant Yehan, ha guet Mari-Madelèn lod ag er santimanteu a dristé, a druhé, a garanté hac a gontrition e oai én ou halon. Nezé é oai bet trézet calon er Uériés Vari guet ur gléhan a anquin, revé proféci er hoh Siméon d’en dé a hé Burification. Hum offrein e ra ehué d’en Tad éternel eit merhuel guet hé Mab. Hum offret enta guet-hi d’er marhue, ha marhuet tout-a-fæt d’er pehet ha d’en ol fal inclinationeu, eit bihuein de Jésus-Chrouist ha revé é volanté.