Ar Pardon

Eus Wikimammenn
Armorica, 1935  (p. 34-35)



AR PARDON
————

\version "2.18.2"
\relative c'{
  \key f \major 
  \time 6/8
  \autoBeamOff
  \partial 8*3
  d8 f e d4. e8 d c | d4. d8 f e | d4. e8 f g | \break
  a4. a8 a a | a4. a8 bes a | a4. g8 g g | g4. a8 g f | \break
  e4. d8 d d | f4. d8 f g | a4. g8 a g | f4. e8 f e | d4. \bar "|."
}
\addlyrics {
  An heol zo tomm, an dud zo kaer, Al le -- ve -- nez a varv en
  êr; Sta -- liou dre holl ha mar -- vail -- hou, c’hoa -- ri -- gaer ha zon trom -- pil -- hou;
  ar c’hle -- ier lâr gant o mouez don: Hi -- rie ’mañ de -- vez ar par -- don __
}
\layout {
  indent = #00
  line-width = #140
}
\header { tagline = ##f }


An heol zo tomm, an dud zo kaer,
Al levenez a verv en êr ;
Staliou dre holl ha marvailhou,
C’hoari-gaer ha zon trompilhou ;
Ar c’hleier lâr gant o mouez don :
« Hirie ’mañ devez ar Pardon ».

Kréñv ar gôz, ruz ar c’hlipennou,
Vê rôet bec’h d’ar chopinou ;
Forz banneou jistr vê lonket,
Da forz yec’hedou vê trinket ;
Meur a gonsort, meur a vignon
A vê kavet gant ar pardon.


Dre holl e klever o kana
Gwerziou d’hon mamm Santez Anna
Ha da zent karet ar barroz ;
Dre holl e komzer ar yez koz :
Ar brezoneg c’houek ha gwirion
Vê mestr en Breiz de ar pardon.

En iliz ne vê graet ive
Man ebet deus ar c’hiz neve :
Vel gwechall, gant nerz e kaner
Ha gant fizians e taouliner
Dirak skeudenn ar zant paeron
’Vê hir e vrec’h de ar pardon.

An dud yaouank, en eur vale,
A luch an eil ouz egile :
Meur a botr a glask ar botrez
A blijfê d’ean da vestrez ;
Meur a hini ’ro e galon
’N eun tôl lagad de ar pardon.

Ha daou ha daou pa zistrôer,
Krog ar galant en disglaoier,
Eur gôz hepken a vê gantê :
Kôz divarvel ar garante,
Penn-da-benn gant an héñchou don,
O tont d’ar gêr diouz ar pardon.

Lec’h, siouaz ! er c’hêriou téñval
Ne vê med deiou livet fall
Gant ar skuizder ha gant ar boan :
Na zul na gouel, na c’hoarz na kan !
Eno ’man ifern ar galon
Lec’h ne vê kammed a bardon.


————