Anken

Eus Wikimammenn
Sauter à la navigation Sauter à la recherche
D. Derrien, 1902  (p. 21)
◄  Merzerez Anken He maro zantel  ►



ANKEN
————


Klasket he deuz hirio kuzet he foan ouz-in ;
N’ounn ket bet faziet ; a-boan he muzellou,
Epad ma tivizemp, a c’halle mousc’hoarzin,
Evel pep tra gwevet ho doa kollet ho liou.

Evel bokejou roz, digor diouz ar mintin,
Ken flamm c’hoaz gand ar gliz kouezet euz ann Envou,
He divoc’h a ioa ruz, hirio me gave d’in
Ho gwelet dislivet, vel krinet gand ar riou.

He daoulagad ivez, araok, ken sklear, ken glaz
Dindan ar sklerijenn, pa zigorent ken braz !
A ioa kalz tevaloc’h, hanter zigor ebken.

Evel-se, pa zounaz heur griz ann disparti,
Va c’haloun baour, siouaz ! o kimidia diout-hi,
A flastraz, enn eunn taol, dindan pouez ann anken.


————