![{
\clef treble
\key d\major
\tempo \markup {\caps Lento}
\autoBeamOff
\time 3/4
d'4 fis'8 g'8 a'4 | a'4 b'8 d''16 ( [ b'16 ) ] a'4 | \break
b'4 cis''8 d''8 g'4 | fis'4 a'8 g'8 fis'4 | a'4 b'8 a'8 g'4 | \break
fis'4 g'8 b'8 e'4 | a'4 b'8 a'8 g'4 | fis'4 e'8 e'8 d'4 \bar "|."
}
\addlyrics {
Va c’hrou -- a -- dur, c’hoa -- ri_’ glas -- kit,
c’hui pô ’ne -- zi mar ken -- dal -- c’hit,
Deuet eo ar ma -- re da gous -- ket,
Kou -- manz d’hen o -- ber a zo red.
}
\layout { line-width = #123 }
\midi {
\context {
\Score
tempoWholesPerMinute = #(ly:make-moment 80 4)
}
}
\header { tagline = ##f }](http://upload.wikimedia.org/score/g/u/gu9m78ylyq43aprtaz7eo4hbz3pc8hh/gu9m78yl.png)
Setu perac, var va barlen,
Grît dodoig, va c’holladen !
Prennit klos-klos ho lagadig
Dijuj bihan, grit eur c’houskig.
Yaouankig flamm en em gavit,
Petra vezoc’h-hu mar bevit ?
Gwel’ e ve deoc’h-c’houi, marteze,
Mont abredig da ’vid Doue.
Hent ar vuez ’zo tossenneg ;
Ni skuill varnhan daëlou doureg :
Nag a bet rannet ho c’halon
’Ve choa gantho mont d’anaon !
Oll joaiou ’r bed ’zo faziuz
Mesket a galz poaniou mantruz ;
Kals drein zo dindan ar rozen,
Nebeut a vleunv var eur spernen.
Mez da c’hedal, var va barlen,
Ælig Doue, pennik melen,
Prennit klos-klos ho lagadig,
Ælig blev-aour grit eur c’houskig.
Nan, va Doue ! c’houi el lezo,
Gant e vamm beteg he maro,
Evit laouennat he c’hosni,
A pa varvo, gwela varnhi.
Doaniusa tra evit eur vamm
Koll he c’hrouadur yaouank flamm !
Goude m’e devez her ganet
A var boull e c’halon maget.
Seder, eta var va barlen,
Mabik tener, va gwir souten,
Prennit klos-klos ho lagadik,
Kaloun he vamm, grit eur c’houskig.
Mez kousket oc’h… O va Doue !
C’houi ’rai varnhan ho polonte :
Kement a rit, great mad a vez
Ra vo ’ta great ho polontez.