Ag er yun ha vigil
1.°
R verdér ha hoéreset e reï vigil d’el lun ha d’er merhér, ma n’en dint clan, pé rai discalonêc pé é voyage. (Er Pab Clemant seihvet en dès dispanset ag el lun, ér bul Uberes fructus, etc.)
2.° Er-ré e vou goêdet, e ellou daibrein kic en tri dé arlerh.
3.° Int e yunou quement guinér e zou ér blai, nameit a ean e vehai Nendelêc d’er guinér, pé ma veheint clan, rai ziscalonêc, é voyage, pé él labour calet, pé dispanset eit ur ræson benac aral.
4.° Int e yunou d’er merhér ha d’er guinér, a drebi gouil en ol Sænt bet Pasq, hac e reï yuneu en Ilis open.
5.° Int e yunou Coareis sant Martin ; de laret-é, a drebi gouil sant Martin bet gouil Nendelêc, nameit d’er sul, hac a drebi sul el Lard bet Pasq, ma ne véint exant dré glinhuet pé dre un necessité benac aral. (Er Pab Clemant seihvet en dès berreit coareis sant Martin, hac e bermet er hommancein d’er hettan sul ag en Avènt bet Nendelêc.) Mæs jamæs ne yunér d’er sul.
6.° Int hum goutantou guet ou miren, ou hoén pé collation, ma n’en dint rai ziscalonêc, pé clan, pé é voyage. Er-ré yah e zaibrou hac e ivou guet modération, én ur chonjal ér péh e lar Jesus én Aviel : dihoaliet a lezel ou caloneu de bonnerrat guet rai a vouid pé a ivage.
7.° Er-ré e zou occupet guet ul labour calet benac e ellou quemér ou fredeu tair gùèh én dé, a drebi Pasq bet gouil sant Miquel-Arhel ; hac a pe veint é labourat é ty en estrain, int e ellou daibrein er péh e vou cherviget d’er ré-ral pé dehai, én ur zihoal neoah a zaibrein kic d’en déïeu vigil pé yun commandet guet en Ilis.
8.° Er merhet diméet ha seizi e zou exant a benigennen er horf, bet que ne veint é stad, mæs ne pas ag er pedenneu.
9.° Er verdér e larou ur uéh Pater noster, etc., irrauc hac arlerh ou miren hac ou hoén, hac e larou open goudé ou fred Deo gratias ; hac a p’ou dou manquet, int ou larou tair gùéh ler-hoh-lerh én un ær benac ag en dé.
Er chapistr-men e zou raih assès ; mæs ret-é chonjal en dès en Directour hac er Govézerion ordinær er pouvoër de zispansein a benigenneu er règl a p’en dès ur ræzon vat benac, èl a pe vér clan, rai ziscalonêc, é oprad hac én ul labour calet. Ellein e rér ehué dispansein ag er yun d’er merhér er-ré e yun d’er sadorn dré zevotion hemb obligation erbet. Ret-é hoah remerquein penaus er Pab Clemant seihvet, dré er bul Dum uberes fructus, en dès dispanset a obér vigii d’el lun, hac a lod coareis sant Martin, én ur rein permission d’er hommancein a sul quettan en Avènd bet Nendelêc ; mar bér obliget de bredein é tiér er-ré ne rant quet vigil d’er merhér, é ellér daibrein kic guet-ai d’er merhér, é obér irrauc er résolution d’obér un alézon pé ur beden benac eit er manquemant-cé. Er-ré n’elleint quet yunein én Avènt e ellou gùéhavé gobér vigil, pé bamdé, pé d’el lun ha d’er merhér, a ne vehai meit de noz, diovér déjun pé miren anderhue, pé fréh ha bara étré ou fredeu, pé e zaibrou un tam behac bihannoh, pé e ziovérou ivage, pé lod a nehou, hac e zihoallou doh er hompagnoneaheu e ellehai bout caus dehai de vanquein de guement-cé. Er memb tra e ellér laret ag en deïeu yun aral. Ellein e rér ehué hum zerhel ér beden én ur stad gênet, pé andur un drouc benac exprès un nebedic amzér, e vehai guellet lemel aben, eit recompansein ér yun manquet.