Er Verdér ne zeliant monet d’er festeu, crolleu, comédi

Eus Wikimammenn
Sauter à la navigation Sauter à la recherche


CHAPISTR PUARVET.


Er Verdér ne zeliant monet d'er festeu, crolleu, comédi.

1.°
ER verdér ha hoéreset n’hum gaveint jamæs ér homédi, ér hrolleu pé ér leigneu a zebauche.

2.° Ne reint nitra eit gùélet en divertissemanteu ha hoarieu public, é léh ma hès dangér pé vanité.

3.° Int e zihuennou ehué doh er-ré e zou én ou harg a rein nitra eit quement-cé.

Explication.

Deusto mé ma er grecheneah ur religion a benigen hac a gaz doh er plijadurieu, neoah n’en dé quet dihuennet a hum zeverral é mad hac én honestis, guet en intantion de vout gùel é stad goudé de chervige Doué, revé hun vocation ; èl ma larér é oai bet cavet ur uéh en Apostol sant Yehan doh hum zivertissein guet ur pichon, hac e rescondas de unan souéhet a guement-cé : un arbalet n’éel quet bout perpet bandet. Er Speret-glan e lar ér Scritur santel (Ecc. 20) é teliér forbannein en tristedigueah ag er galon, rac ma ra er marhue de hilleih a dut, ha ne ra pourfit erbet de hanni. En Eutru Doué e fal dehou, emé sant Paul, ma rehemb guet joé er péh e oulen guenemb : hilarem datorem diligit.... Ne fal quet dehou ma er chervigehemb guet ur galon chairret ha contraignet. En dut santel, emé David, hum rejouisse é presance en Eutru Doué, ne gleuér meit cannenneu a joé èn ou zi. Quement-cé en dès laqueit en Doctoret de laret é ma en devotion quen amiabl, ma ellér laret a nehi er péh e lar Salomon a abiltæd en Eutru Doué : hé hompagnoneah e zou exant a chagrin ; er-ré e vihue guet-hi e zou perpet é joé. Test er bugul rancontret guet en Doctor Taulér.

Ne zeli quet enta er verdér chonjal, a balamort ma rant profession publiq a benigen, é ma dihuennet doh t’ai quement sort deverrance-zou. Int a éel hum gavouet guet ou hérènt eit predein mara-uéh, eit antretenein er garanté en eil doh éguilé.