Ag er Govézion

Eus Wikimammenn
Sauter à la navigation Sauter à la recherche


AG ER GOVÉZION.


EL mé ma en ol Sacremanteu mamenneu a græce Doué, é teliamb hum breparein gùellan ma ellamb d’ou receu. Mæs er Sacremant a Benigen e oulen ur breparation vras ; rac dre er Sacremant-cé, a pe vér disposet mad d’er receu, é ta anemiset en Eutru Doué de vout é amiet, hac é cavamb er pardon ag er feuteu hac infidélitéeu e gommettamb bamdé énep d’é vajesté. Guet péh disposition enta é teliamb-ni hum breparein d’hum olhein ér fetæn précius-cé a Oêd adorabl hun Salvér Jésus-Chrouist ! Ur Govézion groeit èl ma faut e sco quer crihue er galon, que n’éel quet bout ancoéheit meit guet hir amzér. Petra e zou caus, goudé hantér-hant Covézion groeit én ur blai, n’hum gorrigér quet ag ur sci spirituel hemp quin ? Er malheur bras-cé ne za quet a du er Sacremant, mæs ag er bihan a breparation e laquamb d’er receu. N’examinér quet perhuéh er gouciance, pé er glahar n’en dé meit ér bêg hac a zianvéz, pé er résolution d’hum gorrigein e zou goan hac hemb nerh, pé ne hum laquér quet é poén d’obér satisfaction de justice Doué dré er benigen goudé er Govézion : er péh e zou caus ne ra quet Doué demb er græceu e rehai, que nevé ma viramb doh t’ai guet hun lizidantet.

1.° Quetan tra e zeli gobér ur penitant pé unan a fal dehou bout pardonnet ér Sacremant a Benigen, e zou antréein én é gouciance eit hum examinein perhuéh, hac évéhat ne rehai er gloër demb hum excusein, el gùéharal Adam hac Ève, é léh ma teliamb hum accusein hac hum gondannein. En Eutru Doué ne oulen quet neoah guenemb ma torrehemb hun fèn d’hum examinein, na ma vehemb scrupulus, mæs ma quemérehemb quement a boén èl e guemér en dut sourcius a ou affærieu a gonséquance : hum examinamb de bep Covézion èl pe vehai eit er uéh dehuéhan e vehai.

2.° En eil tra, goudé hun bout hanàuet er stad malheurus a hun houciance, hun nès chairret doh er pehédeu hun nès groeit, ret-é quemér poén de zegasse én hun halon ur glahar vras a nehai, doh exampl er roué santel Ezéchias, péhani e larai : songeal e rein ém pehédeu hac infidélitéeu guet ur galon lan a affliction hac a glahar. Rac ne chervige de nitra demb hanàuein hun pehédeu, ma n’hun nès ur gùir gaz doh t’ai, ur guæ en dout int commettet. Er-ré dannet e hanàu ehué ou fehédeu, mæs n’ellant quet en dout contrition a nehai.

Ellein e rér en dout quæ ha caz doh er pehet a balamort d’en drougueu e dèn arnamb ha d’er mad e lam guenemb ; mæs er gùellan hac er parfettan é sellet hemp quin doh en Eutru Doué, ha quemér a nehou er guettan hac er vrassan occasion a caus d’hun glahar, dré er seèl ag é ol perfectioneu infinimant cair, hac e vérit bout câret drès quement-tra zou ol, hac hun nès neoah offancet dré hun pehédeu. Ret-é enta laret d’en Eutru Doué a galon, pé a vêg hac a galon :

A possibl é, me Salvér Jésus, en em behai ancoéheit en ol vadeu, en ol græceu e mès bet, hac e mès bamdé gueneoh revé er vrastet a hou madeleah hac a hou caranté ém hevér ! Énep oh, ô me zad a garanté, é mès hum revoltet ! Hardéh on bet assès eit attaquein en hani e ra d’en Ælet creinnein guet respet én é bresance ! Hou ç’offancet e mès, ô men Doué, e vérit bout câret drès quement-tra zou ol ! Méritein e ran bout forbannet eit birhuiquin jamæs a zirac hou face beniguet hac amiabl. O tad a viséricord ! ne zispriset quet, mar plige gueneoh, me halon briset guet anquin m’em bout displiget deoh. Hou pet truhé doh hou croaidur, e hoès formet guet hou torn, ha prenet guet Goêd précius hou mab. Sellet doheign guet truhé, ha dacoret-deign arré hou cræce hac hou caranté, ne vern péh quer bihan én ou méritan, a balamort ma hon bet un ingrat én hou quevér.

Queméret nezé ur résolution courajus de renonciein d’er pehet ha de gùittat a grén ér péh e zou caus deoh d’er hommettein. Goudé ma hou pou hum zisposet ér mod-cé, quêrhet d’hum durel doh treid er Belêg, èl pe vehai Jésus-Chrouist e uéleoh énou. Hum accuset simplemant ha sclæremant, guet humilité, hemb troïelleu ; guet conzeu raih, reit de hanàuet d’hou Covezour er stad a hou ç’inean. Jamæs ne gueméret eah na méh rac hou Covezour, mæs hemp quin rac Doué. Ne veah quet ehué troublet guet un eah rai vras a vanquein ; ne laret quet dihue uéh er memb tra ; ne nahet na ne ziguiset nitra. Ur govézion humbl e dèn græce Doué én inean, mæs jamæs ne zisquen én un inean diguiset. Cheleuet guet attantion er péh e larou deoh hou Covezour, hac hum rantet guet aboeissance d’en aviseu e reï deoh. Entré vou é rein deoh en absolven, seellet guet deulegat er fé dorn Jèsus-Chrouist é scuil é græce hac é vériteu ar hou ç’inean ; joéntet hou teu zorn, pléguet hou pèn izel, ha groeit hou possibl eit hou pout ur hæ carantéus en dout offancet Doué dré hou pehédeu, ha groeit a greis hou calon un act a gontrition.

Mæs ne gredet quet é ma groeit tout deoh, rac ma hoès covesseit hou pehédeu. Chommein e ra hoah én hou ç’inean restageu malheurus a nehai, e zeliet effacein dré er benigen. Er boén éternel pardonnet dré en absolven e vai changet ordinæremant é poénieu tamporel, de souffrein ér bed-men dré er penigenneu pé ér bed-aral én tan ag er purgatoér. Me lar ordinæremant, rac gùéhave en Eutru Doué e lagua dré viracl quer bras caranté ha contrition é calon er penitant, guet un hoant quer crihue d’obér peb sort penigen, ma ta er vrastet ag é garanté, ag é gontrition hac a é hoant d’obér penigen, d’effacein én un taul en ol restageu ag e behédeu, d’er gobér quit én un taul doh justice en Eutru Doué, ha d’el laquat é stad de monet aben-cair d’er Baraouis. Er péh e leinér arrihuet gùéharal guet santés Paul ha ré-ral, hac er péh e zou arrihuet én hun gré n'en dès quet hoah quer guerço, guet ur verh digampen en doai covesseit durand ur retræd guet en Eutru Boursoul a Rouan, treménet doucemant, é visage én é zihue-flah, ér gadoér-berdêg é Rouan, én ur obér ur perdég admirabl ar er joéïeu ag er Baraouis, én ur ziscoein un hoant, un hirreah brassoh eit n’éellér laret de monet dehai ; goudé en dout sàuet é zeulegat hac é zeu zorn d’er hlué, én ur goulen guet Doué er græce-zé, ean e blégas é bèn én é zihue-flah harpet ar vorden er gadoér-perdêg. Ur bobl vras a dut e oai én é berdêg e gredai é oai é pedein Doué pé é ouilein guet hirreah ; int e ortas pêl. A la fin er sacristin e dennas ar é zillad, e sàuas de gonz doh t’ou, hac e laras d’er Bobl é oai treménet. En ol é ouilai pé e huannadai, hac e larai : caërret ur marhue ! mæs santellet ur vuhé ! gued a œvreu mad ! Er verh digampen a béhani é conzan e zou unan a nehai ; pé d’é groeit hé retræt guet un aral, n’en dé quet sûr en hé devai bet er memb bonheur. Ne rai meit ouilein é covessat, ne badai mui a pe zas er hource de rein dehi en absolven hac er gommunion ; ne fallai quet dehi nac en eil nac éguilé, rac havai oai guet-hi né oai quet hanni ar en doar e véritai bihannoh eit-hi er sacremanteu-zé. Hé Hovezour e ordrénas dehi ou réceu, hac hé haranté ha contrition e grescas hoah é aboeissein. Hi e fallai dehi ur benigen calet ha hir, hac hé Hovezour, conduyet guet er Speret-Santel, ne ras hanni dehi. Quement a vadeleah én Eutru Doué én hé hevér hé laquas de verhuel ar en hènt é tonnet d’er guær ag er retræt, guet en nerh a hé haranté hac a hé glahar en dout offancet durand hé ol buhé un Doué quer mad-cé. A pe oai disquennet er justice de sehuel hé horf, er surziénet doh hé digueor e gavas hé halon gouivet quement ma ouent ol souéhet bras. Chetui exampleu cair a garanté vras doh Doué hac a gontrition vras ag er pehédeu. En ol grechénion, hac é special er verdér ag en Urh a benigen, e zeli quemér scùir doh t’ai mui a ma éellant, a p’hum breparant de govessat hac ér momant ma vér é rein dehai en absolven. Ha goudé, n’hum goutantet quet a obér er benigen en dou reit deoh hou Covezour, groeit open alézoneu, pedenneu ha castiemanteu.

A pe vehet sortiet ag er gadoér, hum dennet a gosté de drugairécat hun Salvér ag er græce cair e hoès receuet guet é vadeleah ha guet é visericord, ha grateit dehou a nehué en er chervigehet guet fidélité durand hou puhé.