Ha kan war-n-hi kalz a werzou
D’hor Salver Jezuz, hon Aotrou.
Kan ivez d’ar Werc’hez-Vari
Ar c’hantikou rezoud d’ezhi ;
Kan da Batrounez da vro ger
Heb divez meuleudiou kaer.
Lavar d’Ezhi derc’hel ar Feiz
E kalounou bugale Breiz ;
Lavar d’ezhi derc’hel ho iez
Beo ha glan ato enn ho zouez.
Lavar ivez d’ar varzed koz
A zo gan-ez er baradoz
Ez euz barzed e Breiz-Izel
Hag a zalc’h huel ho baniel.
Barz ker, kousk e peoc’h er vered
Ebarz er vro ma oez ganed ;
D’id e vezo skanv ann douar,
Douar ar vro n’eo ked digar !
Beleg Doue war ar bed-man,
Ez oud enn env euruz gant-han,
Ha tost da iliz sant Jestin
Ec’h asavi kaer ha lirzin.
Diwar ar c’houmoul, gra eur zell
War da vro gez, war Breiz-Izel ;
War da genvreudeur ar varzed,
A ra da ganvou holl kevret.
Ma mignoun Karis, kenavo ;
Er baradoz ni nemgavo ;
Pa vo ma c’horf e deeun ma bez,
E kanimp serz gand ann elez.
« Une nouvelle brèche aujourd’hui est faite, hélas ! à la Confrérie Bretonne : le barde du Méné-Bré est mort ; c'est une grande
perte pour la langue de notre pays !
