Pajenn:Kantigou brezonek eskopti Sant-Brieg ha Landreger, 1934.djvu/77

— 75 —

2. Bep beure ’baoe an deiz kenta
   Ho saludemp gant levenez,
   O Klevout dre-holl o kana
   Evnigou an amzer-nevez.
   
   
3. Da noz dirak hoc’h Aoteriou,
   C’houi a wele ho pugale,
   Kaeroc’h ’get eur parkad bleuniou,
   O tiskouez d’eoc’h o c’harante(z).
   
   
4. Ouz ar pec’hed e tiwallemp,
   Ma ne ouelje ho taoulagad :
   Hent ar vertuziou a heuliemp
   D’ober plijadur d’hon Mamm vat.
   
   
5. En deiz ma tarzo c’hoaz brezel
   Enep d’eoc’h ha d’ho pugale,
   Bezit dalc’hmat, o Mamm santel,
   Hon skoazell ’vel e-pad miz Mae.
   
   
6. D’an Illiz savet gant Jesuz,
   Dre e vuhez hag e varo,
   Plijit astenn Ko tourn nerzus,
   Ganeoc’h warnomp ’vit ma reno.
   
   
7. Da c’hortoz ma vimp unanet
   Er Baradoz en-dro d’ho tron :
   Eno Nevez-amzer bepred,
   Ha levenez ’leiz ar galon !
   

---

N° LXV. — Bemdez, Bemnoz.

Ton : O Filii…

Diskan.

Bemdez, bemnoz hag e pep ti,
          Meulomp Mari.


1. Tridal ’ra palez an Nenvou
   Hag hon sent koz en Ilizou
   Pa lavar an holl galonou :
             Meulomp Mari.
   
   
2. Kristenien, deut d’an ilizou,
   Heman eo miz ar c’hantigou
   Klevout reer en holl vroiou :
             Meulomp Mari.