Adlennet eo bet ar bajenn-mañ
— Ni a zigouezo kentoc’h gant hon ti.
— O mignoun karet, nag i a zo yen da wiskamanchou !
— Dre m’eo gleb ha yen skourn an ti ma choman ennan.
— O mignoun karet bras, lavar d’in ’ta ; e peleac’h eo da di ?
— En eur vro, va dous, ha n’eo deuet den biskoaz en dro diouti ; en eur vro m’ankounac’haer enni kement glac’har a zo: ma kaver, enni, eun nevez amzer beurbadus, eun eurusded a bado da viken. En em gavout a ri eno, adarre, gant da dad, da vamm ha da dud holl.
— O ! va mignoun, nag hen a zo buhan da varc’h, nag i a zo yen da zaouarn ! Ema da galoun o paouez lammet !
————
Petra zo ? Kriadennou a glever, tud o lenva a
weler ; perak an heul bras se, duhont, o vale
