Ur seurt actou quenta quent ar gommunion

Charlez ar Brizh

Heuriou brezonnec ha latin

L. Prud'homme, 1849  (p. 144-146)

CANTIC VAR AN ACTOU,

Pere so mad da ober abarz communia. Var an ear gallec : Que veux-je en récompense ?

Actou a feiz. CRidi a ran fermamant Emoc’h-hu er sacramant, Va Doue, va Autrou, Ha ne chom mui ar sustanç, Maes epquen an apparanç A vara en hostivou. C’houi hoc’h-unan, va Jesus, Ho gorf [sic], ho coad precius Hac ivez hoc’h ene So er sacramant cuset Dindan speçou quen displet Gant ho tivinite. Ia, m’ho cred, va Salver, Ensacramant an auter, P’hoc’h eus han lavaret, Hac ive pa’z ê deomp-ni Gant hoc’h Ilis da gridi Eus ho perz proposet. Action a c’hrac. O ! pebes anaoudeguez A ouffemp ni da zisquez Dec’h-hu er myster-se ; O veza chomet enna Guenomp ebars er bed-mâ Da vezur hon ene ! Ra viot ato meulet, Ma Redamtor benniguet, Evit ho trugarez En andret ar bec’herien, Pa fel d’hoc’h chom d’ho souten

En ho sempladorez. Actou a gontrition hac a admiration. Pa sonjan en ho faveuriou Hac em ingrateriou, O va muia caret ! Oun leun a gonfusion Gant queuz a contrition D’ho peza offanset. O ! peguer carantezus Ha peguer mad, va Jesus, Oc’h-hu em andret-me ! Ha me peguen outrajus Ha peguer malicius Ouzoc’h-hu, va Doue! Act a humilite. r guel eus va fec’hejou A dleffe, ô va Autrou, Ma fellat diouzoc’h ; Mæs pa’z ê ho madelez Trec’h d’am oll fallagriez, Ec’h esperan enoc’h. Actou a esperanç hac a c’houlen. Pa fel d’hoc’h dont davidon Ha memes disquen enon, Hac ez aën davidoc’h, E teuen gant cals a zoujaç A c’hoaz gant mui a fizianç Da zinessât ouzoc’h. Esperanç am eus ivez, E roiô d’in ho trugarez

Ar graçou necesser Evit gallout dignamant Ho receo er sacramant : M’her goulen, va Salver. Actou a intantion vad. N’em eus quen intantion O vont d’ar gommunion, Nemet d’hoc’h enori, Ha da renta d’hoc’h graçou Eus hoc’h oll donæsonou, Ma rot d’in mui ous vui. Ha ma c’heffaçot ive Va oll infidelite Ha va oll bec’hejou, Hac evit, oc’h ho receo, Caout memor eus ho maro Hac eus ho tourmanchou. Actou a garantez. O va Jesus adorabl, Em andret quer favorabl, Anaout a ran erfad N’em eus biscoaz ho caret Gant ur garantez parfet, Hac oun bet un ingrad. Mæs brema e tastuman Hac enem represantan Ho craçou em speret : Hac oc’h ho c’honsideri, E teu d’en em digueri Va c’halon d’ho caret. Ia, gant sincerite Hac ur guir humilite M’en lavar, va Doue : En quement ha ma allan, Eus va oll nerz ho caran Hac a greis va ene.

Peden d’ar Verc’hes. Guerc’hes glorius Vari, Me ho ped hac ho supli, Pa fell deoc’h, va Itron, E ve ho Map benniguet Gueneomp erfad recevet, Disposit va c’halon. Da sant Ian-Vadezour. Autrou sant lan pre-cursor Da Jesus hon Redamtor, Ma sicourit ive ; P’hoc’h eus an hent preparet Ma vise diguemeret, Preparit va ene. Da sant Joseph, etc., d’hon Æl-mad ha d’an Ælez all. Joseph, Joachim hac Anna, Ælez a so oc’h assista Dirac ar sacramant, Ha c’houi, va Æl-gardien, Grit d’in hor mestr souveren Receo devotamant. Act. a offranç da Jesus. Chetu va c’halon aman, D’hoc’h va Jesus, he offran Ma he furifiot: Lamit an droug anezi, Ha neuse liquit en hi Quement a so deffot. Actou a zesir hac a gonfi. Pa c’hoantaït dont em peultrin, Ha me, siouaz! quen indin,

Ha leun a baourentez ; Hen desiran, va Doue, Eveus a greis va ene Gant ur c’hoant bras ive. Deut eta, va c’harantez, Va oll vad, va guir buez,

Va roue ha va zad, Grit em c’halon ho palæs ; Ha na zeut biquen jamæs, Va Jesus, d’am c’huitaat, Amen.

---