Trouz ar meziou (Arvorig)

Eus Wikimammenn
Sauter à la navigation Sauter à la recherche
Arvorig, 1913  (p. 213-214)



Trouz ar mêziou


————


Les partitions musicales sont temporairement désactivées.


1


An anjelus, eus lein an touriou,
A nij war askel an avel :
Bim baon lan la di ra di ra la lire !
An heol a lintr, poent eo sevel. (bis)

2

Al labourer war hent e barkou,
Eur benveg gantan war e vrec’h,
Gê tra la la, di ra di ra la lire,
Vel an evned a gan dinec’h.

3

Ar pôtr-saout ’n eur douch war e loened,
A lak da drei beg e douchen :
Klik, klak lan la, di ra di ra la lire,
Ken a strak ekleo an draouien.

4

Klevet a ra er roz alaouret,
E vignon Per o c’haoukellât :
« Tri o lo lé  di ra di ra la lire,
Laouig, deus aman, deus timad »

5

Prestik e sav trouz ha c’hoarzadeg
Ar gannerezed war ar stank :
Da gue dao lan la di ra di ra la lire,
Laten ha kolvez a bil stank…

6

Deut eo an hanv, koulz ar falc’hadeg,
Ar prad a zo leun a vue :
Din gue daon lon la di ra di ra la lire,
Ar men a lem, ar bleun a goue…


7

Da viz est e klever adarre,
Pa lintr an heol bervus d’an nec’h :
Frek, frek, lan la di ra di ra la lire,
Ar falc’h o vont dre an ed sec’h,

8

Ha d’ar goz-amzer, koulz an here,
Chilaouet er park, el lanneg :
Hop hei ! lan la di ra di ra la lire,
Pôtr an alar hag e gezek.

9

Dek eur a zon, setu koulz meren,
Me a glev ar vatez vihan :
« O hê, pôtred, di ra di ra la lire,
Deut eo ar youd diwar an tan ! »

10

Ha d’an eil gwech, ar wazed laouen
A lez eun « ho » drant ha nerzus :
Oh ! you hou hou ! di ra di ra la lire…
Jistr ha youd kerc’h zo boued yac’hus.

11

Hag evelse, tro pad an devez.
Pa voug an heol ha pa lugern :
Gê gê lan la di ra di ra la lire,
Ar mêz a drid hag a dregern.

12

Pep hini a boagn, gant levenez,
Ken ma teu tô1iou ar c’hlaz noz,
Daon… daon… lan la dira di ra la lire,
Da c’hourc’hemen mont da repoz.


KOULMIG-ARVOR.