Testamant
R verdér ha hoéreset en dès er guellet de zisposein a ou madeu, e reï ou zestamant ur hource benac ag en tri mis quettan goudé ma veint antréet én Urh, guèt eah a verhuel hemb en dout groeit ou zestamant.
Penaus benac n’en dès nitra assurettoh eit er marhue, n’en dès neoah nitra e ouïér bihannoh eit en ær hac er fæçon. Rac-cé é teliamb évéhat ha bout prest é peb momant a hun buhé, revé avertissemant hun Salvér, guet eah ne vehemb somprepet. Eit en dra-zé en dès hun Tad seraphiq ordrénet d’é vugalé gobér abret ou zestamant, eit bout divarrasset ag affærieu er bed, hac eit bout liproh a speret de chonjal én affær a ou salvedigueah a pe zeï en ær dehuéhan. Int e ellou consultein en Directour, ou Hovezour ordinær pé ou Ferson. Chetui amen ur scùir a destamant. N’en dé quet ret laquat tout er péh e zou amen. Peb-unan e el quemér pé lezel er péh e garou.
È hanhue en Drindet santel, Tad, Mab ha Speret-Santel, un Doué hemp quin é tri person, é péhani é credan, e zeziran, hac e fal dein cârein, chervigein, hac hinourrein durant mem buhé.
Mé, brér pé hoér N., ardro en oaid a zeu-uguênt vlai, e zisclér penaus en Eutru Doué, é obér deign er græce de gonsidérein guet attantion er bihan a zalh a vuhé mab-den, ha de uélet ehué el lod muihan ag en dut somprenet guet er marhue, en dès ehué degasset deign, dré é hræce, er chonge de zihoal doh er malheur-zé, doh hum zivarrassein ag en affærieu tamporel, eit n'em bou én ær a me marhue quin sourci nameit ag en affær bras a me salvedigueah. Quement-cé en dès groeit deign (goudé ma mès goulennet græce er Speret-Santel, ha chonget a barfæt én deværieu a me houciance), gobér me zestamant-men, e mès scrihuet ha sinet guet men dorn, guet me ol santimant mat hac én un antiér liberté, ha mé oulen ma vou héliet hac accomplisset pen-d’er-ben arlerh me marhue, prestan-ma vou guellet.
De guettan, é considérein en en dès en Eutru-Doué me hrouéet eit-ou, eit er chervigein ar en doar ha bout heurus guet-ou én Nean, me offr hac e ra m’inean dehou a greis me halon, ha m’er supli, dré é vadeleah infini ha dré er mérite a Oêd précius me Salvér, n’hé jugeou quet revé er vrastet hac en nombr a me fehédeu, na revé é justice terribl, mæs revé en doustér ag é viséricord.
Mé suppli ehué er Uiriés beniguet, me mam a garanté ha m’avocadès charitabl, sant pé santés N. me Fatron, m’Æl-Gardién, en ol Sænt ag er Baraouis, hac é spécial me Zad séraphiq sant Françæs, guet en ol Sænt ha Santézet en dès bihuet én Urh a benigen, é péhani e mès er bonheur de vout ; m’ou suppli ol d’em secour dirac Doué durand en achemant a mem buhé, hac én ær a me marhue, a-cel-fin, goudé en dout groeit penigen a me fehédeu, ma ellein merhuel e stad a hræce Doué ha bout heurus guet-ou durant en étermté.
Eit me horf, mé garehai ma vehai liennet guet me habit ag en Urh, hac interret ér verret a me farrès, pé é hani N.
Desirein é ran ma vou laret eit repoz m’inean N. Overen ém parrès pé....ha ma vou cannet un Overen ha groeit ur chervige é Ilis er gongrégation un nebedic goudé me marhue, ha ma vou pedet er verdér ha hoéreset d’assistein én-ou.
Mé fal dein ma vou reit d’er beurerion ag er barrès er som a.... D’er verdér ha hoéreset peur ag en Urh, er som a.... D’en Ilis ha d’er Venéh ag er houvant é péhani e mès groeit profession, er som a....
Me oulen ma vou groeit un obit eit repoz m’inean ha hani me zut durand ur blai guet un Overen hemb can, pé guet un Overen ha chervige cannet durand ur blai, hac unan peb mis, pé péb suhun, pé bamdé, eit quemént-cé, me ra er som-men....
Mé hanhue eit exécutour pé accomplissour a me zestamant N, ag er guær N, é parrès N, ha m’er ped a accomplissein arlerh me marhue, ol er péh e oulennan ém zestamant.
Anfin me zisclèr penaus èl ma mès bet er græce de vihuein, é teziran ehué merhuel ér gùir fé hac én aboeissance d’en Ilis santel catholiq, apostoliq ha romæn, e gredan assuret bout er gùir Ilis, é sinan en dé N, er mis N, ér blai N, ér guær N, ér barrès N. Amen hanhue en hani e ra en testamant.