Tantad Sant Yann

Eus Wikimammenn
Sauter à la navigation Sauter à la recherche
Imprimerie Francisque Guyon, 1922  (p. 16)



Tantad Sant Yan
————

Da F. Berrehar.

Kement paotrig bihan
A gas bodigou lann
D’ober tantad sant Yann,

Savet e-tal ar groaz,
E kreiz ar blasenn vras,
En disheol d’ar gwez glas.

Kêriz, deuet an noz,
Ha zoken ar re goz,
En eur gonta o c’haoz

En em vod el leur-gêr.
’Vit digor ar gouel kaer
Em parrez a reer.

Prest e vraller ar c’hloc’h,
Hag hep gortoz pelloc’h,
E klevit o tiloc’h

Ar merc’hed eus pep korn,
O chapeled ’n o dorn,
Gwazed echu o c’horn.

Ar beleg en aoter
A lavar eur bater,
Ha goude e weler

An iliz o leuskel
Sant Yan war e vanniel,
Douget ploum hag uhel.

An tantad benniget
Dioustu ’vez elumet.
Ha neuze ’vez klevet

Kan ar « Magnificat »
Evit trugarekât
Doue, hor Mestr, hon Tad.


E tommder mezeven,
Dindan al loar velen,
Ra welor da viken

Kendalc’het en hor c’hreiz
Giz koz ha mat hor Feiz !
Hebdi Breiz ne ve Breiz.