Son Fleurenn ar Yaouankiz

Eus Wikimammenn
Sauter à la navigation Sauter à la recherche
Armorica, 1935  (p. 52-53)



SON FLEURENN AR YAOUANKIZ
————



\version "2.18.2"
\relative c'{
  \key f \major 
  \time 6/8
  \autoBeamOff
  \partial 8*1
  f8 d4 e8 f4 g8 | a4. a4 g8 | a4 d8 c4 b8 | a4.~ a4 g8 | \break
  e4 f8 a4 g8 | f4. e4 f8 | g4. f4 e8 | d4.~ d4 e8 | f4 a8 g4 f8 | \break
  e4.~ e4 a8 | a4 bes8 c4 bes8 | a4. g4 e8 | a4 g8 f4 e8 | d4. \bar "|."
}
\addlyrics {
  Me zo ga -- nin tre -- me -- net am -- zer va ya -- ouan -- kiz, Ha
  ro -- fê va holl dan -- vez, oh gê tra la la, __ la di -- ra, la di --
  ra, __ Ha ro -- fê va holl dan -- ve d’he di -- gas war he c’hiz __
}
\layout {
  indent = #00
  line-width = #140
}
\header { tagline = ##f }


Me zo ganin tremenet amzer va yaouankiz,
Ha rofê va holl danvez, oh gê tra la la, la dira, la dira,
Ha rofê va holl danvez d’he digas war he c’hiz.
Me c’hafê gant an héñchou diskabell, dîarc’hen,
Hag ar bisac’h war va choug, oh gê tra la la, la dira, la dira,
Hag ar bisac’h war va choug, ’n eur glask an aluzen ;
Eus an eil ti d’egile war bennou va daoulin,
Vit gwelout va yaouankiz o tistrei ’n eur c’hoarzin ;
Evit gwelout o sevel ’us d’am fenn adarre
Goulou-de va yaouankiz, heol zeder va beure.
Pa darzê e sklerijenn e-kreiz an oabl glaz-lin,
Kement tra zo er bed-mañ ’gaven koant ha lirzin.

Dre holl e welen kened ha dre holl madelez,
Ha pep mouez d’am diouskouarn a ganê levenez.
Peb esper oa em c’halon, pep kredenn em spered,
Kaout rae d’in e valeen ’n eun hunvre alaouret.
Kaout rae d’in oa va buhe golôet a vleuniou
Evel, da ziskar Ebrel, eur weenn avalou.
Met an amzer didrue zo deüt gant he dorn yén :
Va hunvreou ’deus gwéñvet ha hejet ar weenn.
Nijet kuit an holl vleuniou gant avel an anken
Ha, kaer am mo damanti, ne zistrofont biken.
C’houi ’ta pere zo bremañ krog en hoc’h yaouankiz,
Eun téñzor zo ’n ho taouarn, eun téñzor uhel briz.
Diwallit-hañ aketus, grit outañ implij vad
Arôg an devez c’hoero ma vo re divezat ;
’Rôg ma vo gant an amzer kutuilhet ar vleuñvenn,
Ha ne chomo ’n ho taouarn nemed ar c’heuz hepken.
Evit eus dour ar feunteun e-pad ma vo war red,
Azéit ouz an tôliou tra ma vo koulz ar pred.
Ha, ma tigoue d’ac’h beañ galvet gant an Aotro
Arôg ma vo peurnijet ar bleuñ diwar ho tro ;
Oh ! neuze ’vat, digorit gant stad ho tiou-eskell
Da vont, vel ar gwennili, etrezek broiou gwell !
Bezit laouen o vervel, trugarekit Doue
Evit ho peañ kerc’het arôg goanv ar vuhe.
Ken koant eo ar yaouankiz, tol a ra c’houéz ken mad
Ma teu Doue e-unan a-wejou d’he c’hoantât ;
Hag e tap eur bokedig eus liorz ar bed-mañ,
Hag hen lak er Baradoz da viken da vleuniañ.


————