1
Me eo Yan ar Mene,
O tra de ri lan la,
Me eo Yan ar Mene,
Ar Mesaer denved. (diou wech).
2
Evit trôn eur roue,
O tra de ri lan la,
Evit trôn eur roue,
Ma flas ne rofen ket.
3
Kerkent ha goulou-de,
O tra de ri lan la,
Kerkent ha goulou-de,
Pa bign an alc’houeder ;
4
War griben ar mene,
O tra de ri lan la,
War griben ar mene,
Me a gân dibreder…
5
Pa ve krog ma danvad,
O Tra de ri lan la,
Pa ve krog ma danvad
Da beuri brug ar roz ;
6
’C’h an da vransigellat,
O Tra de ri lan la,
’C’h an da vransigellat
E beg an derven goz.
7
Me am eus avalo,
O tra de ri lan la,
Me am eus avalo
Er blouzeg kuzet mat.
8
’Benn ar gouanv, pa skorno,
O tra de ri lan la,
’Benn ar gouanv, pa skorno,
Me rei tân d’o foac’hat.
9
Pa ve koulz an neiziou,
O tra de ri lan la,
Pa ve koulz an neiziou,
Me ’m e krampouez lardet.
10
Gwaz da fonz ma bragou,
O tra de ri lan la,
Gwaz da fonz ma bragou,
Mar chom gant ar piked…
11
Pa deuy heol miz ebrel,
O tra de ri lan la,
Pa deuy heol miz ebrel,
An haleg a vouto.
12
Gant laonen ma c’hontel,
O tra de ri lan la,
Gant laonen ma c’hontel,
Me o diskroc’henno…
13
Hag er roz, el lanneg,
O tra de ri lan la,
Hag er roz, el lanneg,
’Vel korn-boud ma zud koz ;
14
Ekleo ma « c’horn-haleg »,
O « teu heu » tra lan la,
Ekleo ma « c’horn-haleg »
A distono bemnoz !
KOULMIG ARVOR.
