Promesseu e zeliér gobér d’unan a ouilieu er Pantecoust, aveit reneuéein énamb er græce ag er Gonfirmation

Eus Wikimammenn
Sauter à la navigation Sauter à la recherche


PROMESSEU


E zeliér gobér de unan a ouilieu er Pantecoust, aveit reneuéein énamb er græce ag er Gonfirmation, goudé m’en dou perdeguet en Directour ar en treu admirabl en dès groeit en Eutru Doue a zivout er Sacremant-men.


SPRERET-SANTEL, Doué a garanté hac a druhé, mamen éternel ag en ol græceu ha bénédictioneu, èl ma hoès consacret gouil er Pantecoust é tisquen ar er guettan crechénion d’er gouil bras-men, ha doh hum ziscoein d’en dut é form tædeu tan, ha dré bep sort miracleu aral, eit gober a nehai bugalé de Zoué dré en abondance a hou cræce, ha quel liès a heaul de splannein ér bed dré er sclerdér bras, e hoès reit dehai, eit ou rantein capabl de feahein en drouc-speret guet en nerh drest-ordinær e hoès laqueit én ai, hac en dès groeit dehai douguein er victoër ar anemiset ou salvedigueah ; èl ma hoès bet er vadeleah, ô Speret-Santel ! de reneuéein ém hevér er græceu cair-zé a pe mès receuet er Sacremant a Gonfirmation :

En hum bresantan hinihue dirac oh, prosternet é face hou ç’autær beniguet, aveit hou trugairécat humblemant ag ur græce quer bras, hac eit grateah deoh é presance hou majesté, ha dirac en ol Sænt, hac en Ælet ag er Baraouis, é tihuennein guet courage er uirionéeu ag er fé ; hac hon prest, guet er secour a græce Doué, de scùil ol men goêd, ha de rein mem buhé eit dihuen en ol articleu a fé en llis santel catholiq, apostoliq ha romæn, e hanàuan eit bout gùir Ilis Jésus-Chrouist, é péhani é fal deign perpet bihuein ha merhuel. El-cé re-vou groeit.