Pajenn:Terrien - Aviel revé St. Maheu.djvu/53

Eus Wikimammenn
Adlennet eo bet ar bajenn-mañ
40
ST. MAHEU.

18 Rag Yehan e zou deit hemp na daibrein, nag ivein, hag ind ès laret : Bout en dès un droug-sperèd.

19 Deid é Mab en Dén péhani e zaibre hag e ive hag e larant : Chetu en dén lontek, hag en iver guin, minion d’er bublikénèd ha de béherion ; hag er furnæz e oé discleriet guet é vugalé.

20 Nezé ean e n’hum laquas d’hobér tamalleu d’er hærieu én peré en doé groeit en darn muian ag é vurhudeu, diarben n’ind doé quet distroeit d’en Eutru Doué.

21 Goah tóh Corazin ! Goah tóh Betsaida! rac ma vehé bet groeit é Tyr ag é Sidon er vurhudeu e zou bet groeit én-hoh, pell zou ind ou dehé groeit pinijen ér siér-reun hag el ludu.

22 Rac-cé e laran d’oh : Quentoh e vou distollet de Dyr ha de Sidon, en dé er varn, aveid d’oh-hui.

23 Ha hui Cafarnaum, péhani e zou bet sàüet betig en Nean ? hui e vou izélet betig en Ihuern : rac ma vehé bet groeit é Sodom er vurhudeu e zou bet groeit én-hoh, chomet vehent marcé betig hinihue.

24 Rac-cé e laran d’oh, penaus e vou quentoh distollet de zouar Sodom, én dé er varn aveid d’oh-hui.

25 En amzér-zé Jesus e laras : Hou meûlein e hran me Zad, Eutru en Nean ag en douar, dré m’e hoès cuhet