16 Nezé Herod é huélet en en doé en tri Mage groeit goab anehou, e hum laquas én arfleu, hag e gassas de lahein, é Bethléem hag én ol vrô, en ol vugalé ag en ouiad a zue-vlai, ha yaouancoh, revé en amzér en doé merchet dehou en tri Mage, en doé bet atercet guet calz a boén.
17 Nezé e oé laqueit de vout guir er péh en doé laret er Profæt Jeremi :
18 Cleuet e zou bet é Rama un trous vras, clemmeu ha boéhieu hirvoudus : Rachel e ouil d′he bugalé, ha ne fal quet dehi bout disglaharet, rac nen d′int quet mui.
19 Mæs, goudé merhue Herod, chetu un Æl aberh Doué e hum ziscoas én un huné de Jojeb én Egypt.
20 Hag e lara dehou : Sàüet, ha queméret en hroaidur hag é vam, ha quêrhet d′er vrô a Israël, rac marhue-é er ré e glasqué er hroaidur aveid el lahein.
21 Jojeb e sàüas, e gueméras er hroaidur hag é vam, hag e yas en drô d′er vrô a Israël.
22 Mæs a pe gleuas e oé Archelaus roué er Jude, é léh Herod é dad, ne gredas quet anehou monnet bet inou : ha diar ur gonz vad en doé bet én un huné, ean e hum dennas é Galile ;
23 Hag e yas de chome d′ur guær hanhuet Nazareth, eit ma vezé bet laqueit de vout guir er gonze-men ar er Brofæted : Hanuet-vou Nazaréen.
