PEDEN eit goulen er græce de feahein hur fal inclinationeu, ha de dorrein hur fal daicheu.
Buhé mab-dén e zou ur brésel continuel. En anemiset doh peré en un nès affær e zou en diaul, er bed hac hur goal inclinationeu peré e zei de bèn a ober demb col er bonheur éternel, ma ne hum boéniamb dalh-mat eit ou feahein. El livr ag er Hombat spirituel e zisq deoh en armage hac er moyandeu e rinquet impléein eit doug er victoér ar hou fal daicheu. Mæs n’en dé quet erhoalh el leine ; red e er homprenein erhat ha pedein Doué de rein demb en hanàuedigueah a hanomp hun hunan.
Iseraplet on-mé, a pe za deign chongeal petra vou a hanan, ma n’em secouret, ô men Doué ! Perpet é bresél, jamæs a beah. Gronnet a bep tu dré en dangerussan anemiset ; hac er ré cruellan hoah e zou énan mé-memb. Penaus hum ziloui ag on liameu ? Penaus ou feahein, ma n’em secouret ? Allas ! hui ou hanàu hoah guel eveit on, ha hui e uél péh quer fragil on. En distéran guir em laca de fachein : en distéran goal rescond pé manquemant ém hevér em laca de golérein : en distéran displijadur ém laca de dærein : en distéran poén e ra deign hum glem : er goal imur e zivont me speret : en inguênage a hanan e ra goal amzer d’er real : en eun a vout goapeit pe dispriset, hac en desir de vout mêlet e ra deign gober el er real, hac héli folleah er bed : en istim e mès aveit on mé-memb e ra deign hum seuêl drès er real ;
