Groeit hou possibl eit monet bamdé d’en Overen ; ma n’ellet monet dehi, cleuet hi ahoel a speret hac a galon ag el léh ma vehet.
En Overen e zou er sacrifice ag er Groez offret a neue. Querhet enta d’en Overen guet fé ha devotion, èl pe yeheoh d’er Halvar.
En Doué, preparet me speret ha me halon dré hou cræce, aveit offrein deoh er sacrifice adorabl ag en Overen guet Jesus-Chrouist, dré Jesus-Chrouist, ha guet er beleg ; de guetan, aveit adorein hou puissance ; arlerh, aveit hou trugarecat ag en ol vad e huès groêit aveit omb : goudé, aveit goulen pardon a me ol péhedeu : hac anfin, aveit goulen guenoh, dré veriteu Jesus-Chrouist, en ol græceu ha secourieu a beré em ès dober eit er horf hac aveit en inean. Me renonci a galon d’en ol chongeu aral e ellehé donnet ém speret.
