isprit a humilité, ha laret dehou guet ur gonfiance douce hac amiable : Guélét e huès, men Doué, é ran er peh e ellan, guélet e huès petra on ; ag er péhet ne fehai-donnet meit péhet ; rêit e huès teign er græce ag er gontrition, me suppli hou madeleah d’accordein deign, guet er pardon, er græce n’hou ç’offansein mui. Goudé er bedèn-zé, ne gollet quet amzer én hou reflexioneu néhançus eit gouïet a Doué en dès pardonnet teoh ; hum laqueit én dro guet humilité ha douster de hober hou exerciceu, hemp chongeal ér peh e zou arriuet, ha groéit-hai guet er memb confiance hac er memb repos a isprit èl quênt ; deusto d’en nombre a uéheu ma véhet couéhet, a bout e vehai cant mil gueh, hui e zeli gober er memb tra d’en deuéhan faute èl d’er hetan, rac opèn m’éma quement-cé retornein perpet devat Doué pehani, èl un tad mat, e zou perpet prest d’hun receu a pe retornamp dehou, ne gollamp quet en amzer doh hum néhancein hac hun chagrinein, er peh é dromble en isprit hac en dalh pêl amzer én ur stat pehani e vir doh-t’hou a antréein én dro ér halme hac ér fidelité e zeli d’é Grouéour.
