Ne oulennamp quet ma hum changèi én omp, mæs erhat ma hun changèi-ni én hou.
Ne hroamp quet dehou prezègueu bras, hun admiration hac hun houtantemant e zeli carguein tout hun inean hac abimein ol hun pratiqueu aral én é bresance : en isprit e vou én admiration ag er mystér-zé pehani n’eller quet comprenein a neb tu, hac er galon e chommou semblet guet er joé é uélet ur vajesté quer bras cuhet édan apparanceu quen distér.
Ne zesiramp quet ma hum ziscoèi demb én ur fæçon aral, ha chongeamb en en dès laret ; eurus er ré nen dès quet ean guélet hac en dès credet én hou.
Ret é surtout bout fidel ha ferme én hun exerciceu ha pratiquein hemp cess er moyanteu de burifiein ha de simplat berpet hun inean guet douster ha tranquillité.
En tré vou dalhet ar er pratiqueu-zé, er græce ag er perseverance ne vanquou quet temp.
Impossible é d’un inean en dès tanhoêit er repos spirituel-zé, retornein de vihuein èl ma vihue en dut ag er bed ; rac quement-cé e vehai eveit hou un tourmant n’ellehai quet andur.
