eveit izellat er moguet-zé, eveit calmein ha doussat er bouillardeu-zé, ha rêin er peah én dro d’hou actioneu.
Él ne sàuer quet un ty a béh én un dé, èl-cé ehué ne rer quet en amerh ag en tresor interior-zé é berr amzer.
Mæs er berfection ag en œvre-zé e oulèn deu dra requis-gronce ; unan, ma vou Doué ean-memb e sàuou én-oh é zamurance ; en aral m’en devou er batimant-cé en humilité eveit fondaision.
UASI nen dé quet hanàuet guet er bed en hènt e gondu d’er peah-zé pehahi ne fehai bout troublet guet tra erbet. Én hènt-cé quemer e rer en trebilleu, èl ma quemer en dut ag er bed er plijadurieu, hoantat e rer én hou en disprisance hac en disinour, èl ma hoantant er gloër hac en inour ; quement é labourer én hènt-cé eit tehein ha bout ancoeheit, eit qùittat ha bout qùitteit guet en dut, él ma ra en dut ag er béd eit bout clasquet, chérisset hac istimet guet er ré vras.
