Pajenn:Sauvé - Lavarou koz a Vreiz-Izel, 1878.djvu/40

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
— 26 —
160

Pa gloc’h ar iar e vez vi pe labous.

161

Dibaot siminal a voged
Anez ne ve tan en oaled.

162

Ar c’homsiou a zo merc’het
Hag ar skrijou a zo goazet.

163

Lavaret a reer aliez
Gaou e-leac’h gwirionez.

164

Kant klevet
Na dalvont ket
Eur gwelet.


VI.


165

Neb a oar reiz ar wirione
A hell hi laret gwel a-ze.

166

Etre c’hoari ha fars
E vez lavaret ar wirionez da gals.

167

Ar wirionez a zo diez da glevet
Dreist pep tra d’ann hini n’hi c’har ket.

168

Ar wirionez a zo diez da glevet
Dreist pep tra d’ann hini n’hi c’har ket.

168

Ar wirionez a zo kasauz
Dreist pep tra d’ann hini a zo kabluz.

169

Ar wirionez a zo kasauz,
Hag ann hini hi lar a zo arabaduz.

170

Ann den klanv he zaoulagad n’hell ket sellet ann de,
Nag ar re a zo kabluz klevet ar wirione.

171

Petra a zervich nac’h ouz Doue ar pez a oar ar Werc’hez !

172

Tra kuz da dri nep a lavar
A-benn neubeud eun all hen goar.

173

E-leac’h ma vez tri
E vez toull ann ti.


VII.


174

Diou, teir amzer hen euz ann den ;
N’int ket henvel ann eil euz eben.

175

O vont d’ar fest c’houi a gano,
O tont en dro c’houi a welo.