Pajenn:Sauvé - Lavarou koz a Vreiz-Izel, 1878.djvu/18

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ


I.


1

Kaout c’hoant a zo galloud.

2

Neb na oar a gavo da ziski.

3

Kassid ann ero da benn.

4

Seul gentoc’h,
Seul welloc’h.

5

Ar c’henta,
Ar gwella ;
Na zale-’ta
D’ober da dra.

6

Red eo gouzanv da gaout skiant,
Labourat tenn da gaout arc’hant.

7

Red eo d’ann den n’hen euz netra
Labourat tenn, ha nann gouela.

8

Ann den iaouank en diegi
A zastum poan war benn kozni.

9

Ar gwella bara da zibri
A vez gounezet o c’houezi.


II.


10

Deuz da gleved ann alc’houedez
’Kana he zon d’ar goulou-deiz.

11

Evit paka louarn pe gad
Ez eo red sevel mintin mad.

12

Da louarn kousked
Na zeu tamm boed.

13

Labourit pa gousk ann dibreder,
Ho pezo ed leun ar zolier.