Pajenn:Riou - Dogan.djvu/39

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



« Da darz an deiz gand arm o tarza, ni a lido dirag ar bed oll, ar pevare kantved. » Al lizerig a zo sinet : Berneza.

AN ARZOUR

Eun ano flour

JEREMI

Mil bennoz : ano va gwreg !

AN ARZOUR

Gouzoud a ran.

JEREMI

Gwaz pe vaouez eo Berneza ? E skritur moul eo bet skrivet al lizer ha gand ar skriverez eo sinet an ano.(Eur pennad) N’eus forz ; dond a rin da houzoud ha dindan bragez pe dindan broz e kavin krohenn Berneza...

AN ARZOUR

Al lizer-ze a oa eul lizer sakr.

JEREMI

Anzavet hoh-eus. Sklêr eo an afer penn-da-benn ha ne dalvez ket ar boan chom da furchal pelloh. Setu amañ, a-berz ar barner, eur baperenn hag a bed ahanoh da zond bremañ d’am heul.

AN ARZOUR

Ho polontez bezet greet !

JEREMI

C’hoarzit goap da hortoz c’hoarzin glaz... (Eur pennad) Marteze en eur furchal pisoh e kavin eun ano all, gwaz pe vaouez, rag daou e oant evid kas o zaol da benn... Ha c’hwi, pehini oh euz an daou ? Ar gwenn pe an du ? (An Arzour a ginnig mouga kement e c’hoarz.) Goude c’hoarzadeg e vo leñvadeg, paotrig. Diskouezit din ar poltredou hoh-eus livet.

37