Kadarnaet eo bet ar bajenn-mañ
LOM
Ne oa polis ebed.
JEREMI
Siwaz ! ne oa polis ebed war ar blasenn d’an eur euz an noz ma oa lankidi o lakaad an tanfoeltr. Ne oa den war ar blasenn !… Ha perag, ne oa den war ar blasenn, d’an noz ha d’an eur ?…
LOM
N’ouzon ket, Aotrou Komiser.
LAOU
Me n’ouzon ket muioh.
LOM
N’eo ket me ar mestr.
JEREMI
Me eo ar mestr. Nemed peleh ema hoh Iñspektor ?
LOM
Eiz devez en-deus kemeret.
JEREMI
Brao emaon ganti. Kemer eiz devez repoz d’ar zeiz a viz eost mil nao hant daou ha tregont. Den ebed war ar blasenn evid diwall monumant an Unvaniez !… (E zivreh d’al laez) Biskoaz kemend all ! Domaj eo n’oh ket bet gwintet ivez, rag, ma red an dorfetourien, daou dorfetour a welan dirazon.
LOM
(Da Laou) Ha me a oa em zoñj kaoud avañsamant.
LAOU
Da avañsamant ha va hini a zo e sah an diaoul.
17
