Adlennet eo bet ar bajenn-mañ
A-wechou é sonj d’in gwelet
Ann oabl ewit-oun dîgoret,
Ha, di-war eur goumoulenn aour,
Jezuz-Krist o laret d’ar paour :
— « Paour kéaz, achu eo da boaniou,
» Deuss ganîn brema d’ann envou,
» En touez ar zennt, ar zennetezed,
» Ar prophéted, ar merzered.
» Gwisket d’id eur zaè lienn gwenn,
» Ha war da dâl eur stérédenn,
» E kâni ma méleudiou
» Béleg divez an amzeriou ! »
- F.-M. Ann Huel.
- Plouaret, ann dri a vîz gwengolo. (1865)
