Ha pa lampond ann eil kammad,
Bete poull ho c’halon ervad ;
D’ann drived tel int ho zri-c’hant
Kuzet beteg ho badeiant.
Adren, tri-c’hant e Chouanted
Gant peb-hini eur folc’h houarnet
’Vid ho disto ’kreiz ann tan ru,
’Vel en ifern ra ’nn ele du.
— Glaouer, perak c’hez beure mad,
Da zeier leun, d’ar Poulleogat ?
- N’e ket gant glaou, gand eskern e,
E ma zeier karget hirie,
Eskern ar re C’hlaz ’zo dewet
D’ar stanko kasan, d’ho bered. —
Ar sun warlerc’h, e Menez-Bre
Otro person Prat a lere,
’N euz laret ann ofern drantel
Evid en ifern toleur sell :
Tri-c’hant a re C’hlaz a welaz,
Ha tri-c’hant Chouant donnoc’h c’hoaz
